Cemil Seydamet

QIRIMTATAR VİKİPEDİYASINIÑ MALÜMATI
Jump to navigation Jump to search
Cemil Seydamet
Doğğan künü:1903
Ölgen künü:1977
Memleketi:Flag of Turkey.svg Türkiye
Zenaatıyazıcı, şair

Cemil Seydamet (1903 – 1977) - belli qırımtatar şair ve yazıcısı.

Cemil Seydamet (edebiy taqmaqı “Buzlu”), 1903 senesinde Qarasuvbazarda dünyağa keldi. Balalığında mında yañı açılğan rüşdiye mektebinde oqudı. Daa soñra ayaqqapçıda ve (parası yetmegeni içün) Ableş ve Qırqlar köylerine barıp, bağçalarda çalıştı.

1922 senesinde Aqmescitteki fırqa mektebine kirdi, aynı vaqıtta devam etken marebelerge qatıldı. 1923 senesinde Yañı Dünya gazetasında Şarq adlı şiiri neşir etildi. 1924 senesinde Moskvağa Şarqnıñ emekdarları universitetinde oqumağa yiberildi. Mında ekende, “Qanlı Kölmek” (1926), “Qurtlağan Kögüs” (1927) ikâyelerini yazdı.

Oquvnı bitirgen soñ, 1928-de Qırımğa qaytıp Yañı Dünya gazetası ve İleri mecmuasında müelliflik yaptı. Bu vaqıtta, “Quyu Tübünde”, “Amam Aralığı” ve “Ufqa Doğru” romanınıñ birinci bölügi basıldı.

1931 de Moskvağa qaytqan Cemil Seydamet, bu yerde Türk tarihı mevsusında aliy tasil alıp, daa soñra Özbekistanda bir sıra gazetalarda çalıştı. 1956 senesinde pensiyalı olıp Moskvağa yerleşti, 1977 senesinde anda vefat etti.

Eserleri[deñiştir | kodunı deñiştir]

  • Pyesalar Aqqında, "Yañi Dünya", 1928, İyül 11
  • Teatro Aqqında, "İleri", 1929, Nı.-c. 6-8
  • Til Ve Edebiyat Aqqında, "Yañı Dünya", 1930, İyül 22
  • Edebiy Til Meselesi Aqqında, "Yañı Dünya", 1934, Sentâbr 20
  • Edebiyat Saamızğa Bir Nazar, "Bolşevik Yolu", 1930, N 1., 55-59 s.
  • Kommunist Yazıcı (Cafer Ğafar aqqında), "Lenin Bayrağı", 1964, Sentâbr 10
  • Edebiyatımıznıñ Klassigi (Ümer İpçi aqqında), "Lenin Bayrağı", 1972, İyül 25
  • Uraqqa Doğru (Roman), Taşkent, 1973 (163 S.)
  • Irğat Qadır (Edebiy Portret), Taşkent, 1978 (87 S.)


Menbalar[deñiştir | kodunı deñiştir]

Türkiye Cumhuriyeti Kültür Bakanlığı