Şiiriyet

QIRIMTATAR VİKİPEDİYASINIÑ MALÜMATI

Şiiriyet (yunanca ποίησις — ‘icat, yaratıcılıq’ ποιέω sözünden— ‘yapam’, ‘yaratam’), tilniñ denotatsiya añlamından ğayrı ya da onıñ yerine bediyat ya da belgi-temsillik (evokativ) maqsadınen qullanılğan bediiy-sımalı söz yaratıcılığı. Şiiriy bir metinde baş rol adetince ifade şekiline berile. Nazm, til vastalarını maksimal qullanmaqnı, em de yañı nazm sımalarını, yani metinni mecazlaştıruv ve metonimleştirüv yolunen til birlemleri arasındaki yañı mana bağlarını yaratmaqnı közde tutqan til sanatıdır.

Istıla bir çoq manada qullanılır. Nazm adet üzre nesirge qarşı qoyulır. Şiiriyet sıq diger sanatlarnen birleşe, bu alda şiiriy destan, şiiriy drama, nesriy şiiriyet kibi ara janrlar asıl ola.