Vladimir Konstantinov

QIRIMTATAR VİKİPEDİYASINIÑ MALÜMATI
Buña bar: qullan, qıdır
Vladimir Konstantinov
portrait
Doğğan künü: 1956 noyabr 19(1956-11-19) (60 yaşında)
Doğğan yeri: Vladimirovca[d]
Memleketi: Flag of Russia.svg Rusiye
Oquğan universiteti National Academy of Environmental Protection and Resort Development[d]
Zenaatı siyasetçi
Siyasiy fırqa United Russia[d]
Saytı: crimea.gov.ru
Commons-logo.svg Vladimir Konstantinov Wikimedia Commons saytında

Vladimir Andreyeviç Konstantinov (rusça Владимир Андреевич Константинов, ukraince Володимир Андрійович Константинов) - qurucılıq saasında erbap, siyasetçi, Qırım Cumhuriyeti Devlet Şurasınıñ reisi.

Tercimeial[deñiştir | Viki metnini deñiştir]

1956 senesi noyabrniñ 19-da Moldaviya SSC Slobodzeya rayonınıñ Vladimirovka köyünde doğdı.

1973 senesinde Bağçasaray rayonındaki Nauçnıy qasabasında umumtasil mektebini oqup bitirdi. Emek faaliyetini 1973 senesi sentâbr ayında Aqmescit ş. "Qırımqurucmalzeme" trestiniñ Alminskiy qurucılıq malzemeleri kombinatınıñ taş kesici maşnanıñ aydayıcı yardımcısı olıp başladı.

1974 senesi sentâbr ayından 1979 senesi iyül ayına qadar - Aqyar cihaz qurucılığı institutına mensüp Aqmescit filialınıñ studenti. "Sanayı ve grajdan qurucılığı" ihtisası ile aliy tasil aldı. 1979 senesi avgust ayından 1979 senesi oktâbr ayına qadar Aqmescit ş. Qırım tamirlev-qurucılıq idareliginiñ ustası. 1979 senesi noyabr ayından 1981 senesi iyün ayına qadar - SSCB Silâlı Quvetlerinde hızmet etti. 1981 senesi ayından 1982 senesi aprel ayına qadar - ustaz, 1982 senesi aprel ayından 1986 senesi oktâbr ayına qadar - işlerniñ istisalcısı, 1986 senesi oktâbr ayından 1989 senesi yanvar ayına qadar - baş müendisi. 1989 senesi yanvar ayından 1991 senesi iyün ayına qadar - "Ukrtamirqurucmalzemeleri" trestiniñ Qırım mahsuslaştırılğan tamirlev-qurucılıq idareliginiñ başlığı. 1991 senesi iyün ayından 1993 senesi iyün ayına qadar - "Konsol" icare şirketiniñ baş müdiri. 1993 senesi iyül ayından 1998 senesi avgust ayına qadar - baş müdir, 1998 senesi avgust ayından 2001 senesi sentâbr ayına qadar - prezident-reis, 2001 senesi sentâbr ayından 2001 senesi noyabr ayına - Konsol LTD şirketiniñ MSC idaresiniñ reisi. 2001 senesi dekabr ayından 2004 senesi avgust ayına qadar - "Ukrrosbud" şirketiniñ reisi. 2004 senesi avgust ayından 2010 senesi mart ayına qadar - "Ukrrosbud" şirketiniñ prezidenti. 2010 senesi mart 17 kününden - Qırım Muhtar Cumhuriyeti Yuqarı Radasınıñ Reisi.

2014 s. Qırımnı Rusiyege qoşulmasına qoltuttı. Rusiye qanunlarına köre qurulğan Qırım Cumhuriyeti Devlet Şurasınıñ reisi oldı.

Evli, eki balası bar.

Mukâfatlar[deñiştir | Viki metnini deñiştir]

  • 1999 senesi - "Ukrainada nam qazanğân qurucı" şerefli unvan, "Qırım Muhtar Cumhuriyetinde nam qazanğan qurucı" şerefli unvan; Qırım Muhtar Cumhuriyeti nazirler Şurasıniñ Fahriy yarlığı, Ukraina Pravoslav kilsesiniñ nişanı;
  • 2000 senesi - Ukraina içki işler Nazirliginiñ yararlıq alâmeti;
  • 2001 senesi - "Hızmetleri içün" III derece nişan;
  • 2002 senesi - "Cemiyet itirafı fondu" Halqara hayriye teşkilâtınıñ cemiyet itirafı Yararlıq alâmeti;
  • 2004 senesi - "Hızmetleri içün" II derece nişan;
  • 2006 senesi - "Hızmetleri içün" I derece nişan; Mimarlıq saasında Ukraina Devlet mukâfatı;
  • 2007 senesi - Knâz Yaroslav Mudrıy V derece nişanı;
  • 2008 senesi - Qırım Muhtar Cumhuriyeti Yuqarı Radası Reisiniñ teşekkürnamesi.