Abduraman Qadri-zade

QIRIMTATAR VİKİPEDİYASINIÑ MALÜMATI
Jump to navigation Jump to search
Abduraman Qadri-zade
Doğğan künü:1894
Zenaatışair

Abduraman Qadri-zade (1876 ya da 1894 - 1938 ya da 1939[1]) - belli qırımtatar şairi.

Abduraman Qadri-zade 1894 senesinde doğdı. Medrese tasilini tamamlağan soñ Yañı Dünya gazetasında çalışıp başladı. Arap, Fars, Rus tillerini ögrendi. Pek çoq siyasiy, edebiy ve ders kitabını qırımtatar tiline tercime etti. Qırım halq edebiyatnıñ aruv etip bile edi. Halq arasında aytılğan masallarnı, yırlarnı, çıñlarnı ve atalar sözlerini gazetalarda yazdı. Halq edebiyatından yolğa çıqıp, Molla Nefsi, Aqsaq Temir ve Nasreddin, Nasreddin Oca ve Qarısınday hiciv ve taşlama hususiyetleri olğan eserler neşir etti. Qızma Be Yau, Ögütlerim kibi şiirlerinde kişiniñ ayatındaki noqsanlarnı, yañlışlarnı tenqit etip özüniñ tüşüncelerini, nasiatlarını añlatqan edi.

İzaat[deñiştir | kodunı deñiştir]

  1. Türlü menbalar Qadri-zadeniñ doğum ve ölüm tarihları farqlı köstere. Zühal Yüksel malümatına köre o 1894 s. doğdı ve 1938 s. öldi. 1999 s. Aqmescitte neşir etilgen "Qırımtatar medeniyet erbapları (1921-1944 ss.)" kitabına köre ise 1876 s. doğdı ve 1939 s. avgust 6-da öldi.