Üsein Bodaninskiy
| Üsein Bodaninskiy | |
|---|---|
| Doğma adı | Üsein Abdurefi oğlu Bodaninskiy |
| Doğğan künü | 1 (13) dekabr 1877 |
| Doğğan yeri | |
| Ölgen künü | 1938 aprel 17 (60 yaşında) |
| Ölgen yeri | |
| Memleketi | |
| Zenaatı | sanatkâr, sanatşınas, tarihçı, ethnologist, museologist |
Üsein Abdurefi oğlu Bodaninskiy (*1877 - 1938 çeçek ayınıñ 17) - qırımtatar medeniyetiniñ ulu erbabı, ressam-dekorator, qavmiyatçı, tarihçı, müzey hadimi. Bağçasaray Hansaray müzeyiniñ esasçısı ve ilk müdiri.
Tercimeiyal
[deñiştir | kodunı deñiştir]Aqmescit yanındaki Badana köyünde Aqmescit halq tatar oquv yurtunıñ ocasınıñ ailesinde doğdı. Moskvada ressamlığını ögrene edi, soñra Paris, İstanbul, Drezden ve Sankt-Peterburgta ressam-dekorator olıp çalışa edi. Yigirmi yıl içinde Qırım tışında yaşamaqta edi ve yarımadağa ağanıñ ricası ile qaytqan. Vatandaki içtimaiy ayatına deral qatnağan, Qurultay murahhası olıp ve Bağçasarayda yerleşip özüni halqınıñ tarih ve qavmiyatını tetqiq etüvge bağışladı. Baştan mında qadimiy abidelerni qoruv ve saqlavnen oğraşqan Petrograd ortaqlığınıñ Bağçasaray merkezini tesis ete. Soñra ise, 1917 senesi orta küz ayında Han sarayında teşkil etilgen müzeyniñ müdiri ola.
Basqılar
[deñiştir | kodunı deñiştir]1934 senesi Bodaninskiyni vazifeden çıqardılar.
1935-1937 seneler içinde Moskva ve Tifliste tesadüfiy qazançlar ile qıt qanaat keçine edi. Lâkin 1937 senesi akisinqilâbiy milletçilik teşkilâtında iştiragı ve ecnebiy istihbaratına işbirliginen qabaatlanıp tevqif etilgen. 1938 senesi çeçek ayınıñ 17-sinde qırımtatar medeniyeti diger ulu erbaplarınen beraber Aqmescitte qurşunğa tizilgen.