Sanat

QIRIMTATAR VİKİPEDİYASINIÑ MALÜMATI
Jump to navigation Jump to search
“Ressamlıq, eykelcilik ve mimarcılıqnıñ sıfatları”, En Vale-Köster, 1760 s., Luvr

Sanat - dünyadaki ayrı muayyen şekillerniñ işaretleri ile onıñ umumiyleştirilgen manalarnı ifade etken insan medeniyetiniñ saası. Adetince, edebiyat, tasviriy sanat, ameliy-tatbiqiy, sanalı, muzıka ve mimarcılıqqa bölüne.

Keñ bir manada sanat dep, ayrı bir işte, saada mükemmel becerikligini, ustalıqnı adlaylar.

Tarif etüvi[deñiştir | kodunı deñiştir]

Sanat resimleriniñ çeşitligi

Umumiyleştirilgen manasında sanat olaraq, qullanuv vaqtında ve neticede bediiy zevqni ketirgen ustalıqnı adlaylar. Britanika entsiklopediyası, böyle tarif etüvini bere: “Başqa adamlarnen paylaşılabilgen bediiy obyektlerniñ, vaqialarnıñ ya da areketlerniñ yaratılması içün ustalıqnı ya da tasavurını qullanğan ifade quvetiniñ usulı”. Böyleliknen, sanat ile faaliyetniñ ya da onıñ neticelerini qabul etüvniñ baş miyarı, diger insanlarda seslenüv doğurmaq qabiliyeti ola.