I Sahib Geray

QIRIMTATAR VİKİPEDİYASINIÑ MALÜMATI
Buña bar: qullan, qıdır

I Sahib Geray (1501 - 1551) - 1532-1551 senelerinde üküm sürgen Qırım hanı. I Meñli Geraynıñ oğludır. Bağçasaraynıñ temel qoyucısı.

1485 senesi I Meñli Geray Qazan hanı İbraimniñ tul apayı Nur Sultannen evlene. Bu evlenüvden em Qırımnıñ, em de Qazannıñ taht mirasçısı Sahib Geray (1501-1551) doğdı. Onıñnen beraber Qırımğa Manğıt ve Secevüt qabileleri kirip keldiler ve şimdiki Canköyden biraz ğarp taraftaki topraqlarğa yerleştiler. 1521 senesi ağası Qırım hanı I Mehmed Geray Qazannı zapt etken ve şeerni qardaşı Sahibke bergen. Ağasınen birlikte 1532-de Moskva ulu knâzı III Vasiliyni Moskva yaqınlarında yeñgen. 1532 senesi I Saadet Geray öldi, ve I İslâm Geraynıñ beş aylıq üküm etkeninden soñ I Sahib Geray Qırım tahtına oturğan. 1541 senesi Moskvağa sefer yaptı.

I Sahib Geray Salaçıqtan aşağı 2 km Çürük Suv özeniniñ boyunda yañı han sarayınıñ temelini qoydı. Yañı şeerniñ adı Bağçasaray qoyuldı. I Sahib Geray devrinde Kezlevniñ limanı donatıldı, bunıñ içün Qırım Hanlığı öz deñiz portuna saip oldı (Qırımnıñ diger deñiz yalısındaki şeerler osmanlılarnıñ elinde edi).

İstanbul memurları yapqan dubaralar sebebinden Osmanlı padişası onı tahttan tüşürdi. Ondan soñ Çerkesiyada I Sahib Geraynı torunı Bülük Geray öldürdi. I Sahib Geray Bağçasaraydaki Salaçıq dürbesinde kömüldi.


Flag of the Crimean Tatar people.svg Qırım hanları Qirim Hanligi.png

XV asır
I Hacı GerayAyderNur DevletI Meñli Geray

XVI asır
I Mehmed GerayI Ğazı GerayI Saadet GerayI İslâm GerayI Sahib GerayI Devlet GerayII Mehmed GerayII İslâm GerayII Saadet GerayII Ğazı GerayI Fetih Geray

XVII asır
Toqtamış GerayI Selâmet GerayCanibek GerayIII Mehmed Gerayİnayet GerayI Bahadır GerayIV Mehmed GerayIII İslâm GerayAdil GerayI Selim GerayMurad GerayII Hacı GerayIII Saadet GeraySafa GerayII Devlet Geray

XVIII asır
III Ğazı GerayI Qaplan GerayIII Devlet GerayIV Saadet GerayII Meñli GerayII Fetih GerayII Selâmet GerayII Selim GerayArslan GerayHalim GerayQırım GerayIII Selim GerayMaqsud GerayIV Devlet GerayII Qaplan GerayII Sahib GerayŞahin GerayII Bahadır Geray