Vikipediya:Serbest Entsiklopediya (2021)/Qırımtatar versiyası

QIRIMTATAR VİKİPEDİYASINIÑ MALÜMATI


«Serbest Entsiklopediya: qırımtatar Vikipediyasını yazayıq» - qırımtatar Vikipediyasındaki maqalelerniñ yazıluvı ve yahşılaştırıluvı mevzusında bir marafondır. 2021 s. iyün 15 - iyül 15 arasında keçirilecek ve Vikipediyanıñ qırımtatarca bölügine yetmegen, ve aynı zamanda eñ müim mevzularnı akis etken maqalelerge diqqatını çekecek.

Marafon, Ukrainanıñ vaqtınca işğal etilgen topraqlarınıñ reintegratsiya meseleleri nazirligi ve «Vikimediya Ukraina» tarafından keçirilir (teşkilâtçılar, marafonnıñ ceryanını saylarlar ve eñ faal olğanlarını mukâfatlarlar, lâkin maqalelerniñ mündericesini kontrol etmezler; marafon, Vikipediyanıñ bütün qaidelerine uyar).

Eñ faal iştirakçiler teşkilâtçılardan suvenirlerni alacaqlar.

Marafon aqqında[kodunı deñiştir]

Sudaqtaki Ceneviz qalesi - qırımtatar Vikipediyasında bir maqalege saip olmağan ve aynı zamanda pek müim olğan bir inşaatnıñ misalidir

Vikipediya - dünyanıñ eñ büyük onlayn-entsiklopediyadır. O, bedava, reklamasız ve erkin bir litsenziya ile bütün insanlıqqa irişile bilgendir; onıñ 20 yıllıq bar olğanında biñlerce göñülli, 300-den ziyade tilde 50 milliondan ziyade maqaleni yazdı.

Vikimediyanıñ areketniñ alğısı - bu «insanlıq tarafından toplanğan bütün bilgilerge er kesniñ bedava bir irişe bilgeni bir dünyadır».

Qırımtatar tilinde yazılğan Vikipediya 13 seneden ziyade bar ve keçenlerde 10 biñ maqaleniñ işaretini keçti. Bu, Qırımtatar tilinde olğan bilgileriniñ inkişafına pek büyük bir issedir. Faqat, yazıq ki, bizim til bölügimizde yeterli derecede aydınlatılmağan esas mevzular daa çoq bar; ayrıca esas añlamlar aqqında ya maqalelerniñ çoqusı pek qısqa ya da atta iç malümat yoqtır. Misal olaraq, geologiya, internet ya da Pablo Pikasso aqqında maqaleler yoq; em de qırım/ukrain müim meselesi aqqında bazı maqale yoq.

«Serbest Entsiklopediya: qırımtatar Vikipediyasını yazayıq» marafonınıñ maqsadı qırımtatar Vikipediyasına adamlarnıñ diqqatını celp etmek ve meseleni çezmege başlamaqtır. Bu marafon, Ukrainanıñ vaqtınca işğal etilgen topraqlarınıñ reintegratsiya meseleleri nazirligi ve «Vikimediya Ukraina» cemaat teşkilâtı tarafından keçirilir.

Teşkilâtçılar, maqalelerniñ mündericesine tesir etmezler, lâkin eñ aktiv iştirakçilerni ediyelernen mukâfatlarlar (tafsilâtlı tasvir aşağıdadır).

Marafonğa qoşulmaq içün 2021 s. iyün 15 - iyül 15 tarihları arasında teklif etilgen cedveldeki maqalelerni ya yazıñız ya da yahşılaştırıñız.

Marafonnıñ keçirilüvi eki kriteriy altında olacaq:

  • Vikipediyanıñ bütün til bölüklerinde bulunmağa kerekli olğan 1000 maqale;
  • Ukrainanen, Qırımnen, qırımtatar medeniyetinen ve ananelerinen, tarihiy kişilerinen vb. bağlı olğan 100 maqale.

Konkursnıñ bütün iştirakçileri, mukâfatlar ve unutılmaz suvenirler içün yarışa bilirler. Teşkilâtçılar, bütün marafon çerçivesinde eñ büyük issesini (Vikipediyanıñ qaidelerine ve talaplarına uyğun olğan) qoşacaq 10 iştirakçilerni mukâfatlaycaqlar. Qoşma ediyeler ve namzetlikler olabilir, haberdar olıp turuñız.

İştiraknıñ qaideleri[kodunı deñiştir]

Marafon çerçivesinde qoşulğan isse, Vikipediyanıñ qaidelerine uyğun olmalıdır.

Ayrıca:

  • Vikipediya - entsiklopediyadır! Bunıñ içün bütün maqaleler entsiklopedik şekilge saip olmalıdır;
  • Vikipediya plagiatnı musaade etmez! Bunıñ içün bütün maqalelerniñ metni tamam iştirakçiler tarafından yazılmalı ve müelliflik aqlarını bozmamalıdır;
    • Vikipediyanıñ başqa til bölükleriniñ maqalelerini alıp, olarnı tercime ete bilesiñiz (meselâ, ukrain ya da ingliz bölükleriniñ maqalelerini) - amma tercime etkende maqaleniñ çevirilgen menbasını köstermek kereksiñiz.
  • Vikipediya özgün araştırmalarnı musaade etmez, bütün bes-belli olmağan fikirlerniñ menbalarğa esaslanmaq kerek. Bunıñ içün maqaleler nufuzlı menbalarda (gazetalarda/mecmualarda/kitaplarda vb.) derc etilgen malümatqa esaslamalı ve maqalelerde menbalarnıñ bağlantıları olmalıdır.
  • Maqalelerniñ malümatında tarir etilmegen maşna tercimesi olmamalıdır.

Vikipediyanıñ qaideleri, maqaleniñ yazma algoritmi aqqında daa çoq bilmek içün malümat saifesini oquñız.

Diqqat etiñiz: konkret marafon çerçivesinde maqalelerni tek Qırımtatar tilinde ve teşkilâtçılar tarafında teklif etilgen cedveldeki (yani eñ müim olğan) maqalelerni yazamız. Vikipediyadaki başqa mevzularnen bağlı ya da başqa tillerde yazılğan maqalelerniñ taririne er vaqıt qoşula bilesiñiz, faqat böyle isse bu marafonğa bir isse sayılmaz.

Yazmağa ve yahşılaştırmağa kerekli olğan maqaleler[kodunı deñiştir]

Marafonğa qoşulmaq içün aşağı cedvellerdeki maqalelerni yazıñız ya da yahşılaştırıñız:

Cedveller, mevzularğa köre bölüngen, meraqlardırğanıñız mevzularnı saylay bilesiñiz.

İştirakçiler[kodunı deñiştir]

Marafonğa qoşulğanıñıznı qayd etmek içün bu bölükke adıñıznı yazıñız — Vikipediya:Serbest Entsiklopediya (2021)#İştirakçiler / Учасники й учасниці

Malümat bilgileri ve kontaktları[kodunı deñiştir]

Maqale nasıl yazmaq mümkün[kodunı deñiştir]

Maqalelerni yazmaq maqsadınen tercime aletini qullanmaq qolaylı, endi bar olğan maqaleni ya Ukrain tilinden ya da başqa tilden tercime etmek içün. Bunı tapmaq içün:

  1. Vikipediyada qayd oluñız (bunı bağlantını qullanaraq yapa bilesiñiz, qayd oluvı eki daqiqa ala) ve esabıñızğa kiriñiz
  2. Tercime etmege istegeniñiz maqaleni ve til versiyasını saylañız (teklif etilgen maqalelerniñ cedvelindeki yeşil zeminde bulunğan plüs işareti başqa til bölügindeki bu maqalege alıp bara; skrinşotqa baqıñız)
  3. Bu bağlantına basıp tercime aletini açıñız
  4. «Yañı tercime» dögmesine basıñız (skrinşot)
  5. Tercime etecegiñiz tilini saylañız (skrinşot)
  6. Maqaleñizni Qırımtatar tiline tercime etecegiñiz tilde tapıñız (skrinşot)
  7. «Tercime etmege başlamaq» mavı dögmesine basıñız
  8. Satır başlarını tercime etip maqaleni çeviriñiz. Yazıq ki, avtomatik tercime, Qırımtatar tili içün irişile bilmegeninden maqaleni özüñız tercime etmelisiñiz
  9. Maqaleni tercime etip yayınlañız (skrinşot)

Tercime maqaleniñ yazmasınıñ eñ çabik usulı olsa da, onı qullanmaya bilesiñiz; yuqarıda qayd etilgen qaidelerge riayet etip onı özüñiz tam başlanğıçtan yaza bilesiñiz (diqqat etiñiz ki, tış menbalardan metinler kopiyalanmaz, başqa tilden tercime bile olmaz; tek Vikipediyanıñ başqa til bölüklerinden maqaleni alıp onı söz-sözüne tercime ete bilesiñiz, başqa allarda özüñiz metinni yazmalısıñız).

Qoşma malümat[kodunı deñiştir]

Sual bermek[kodunı deñiştir]

Vikipediyanen bağlı sualleriñiz olsa, teşkiliy taqımnıñ Fed4ev azasına muracaat ete bilesiñiz. Umumiy teşkiliy sualleriñizni info@wikimedia.org.ua poçtasına yaza bilesiñiz.