Fatiha suresi

QIRIMTATAR VİKİPEDİYASINIÑ MALÜMATI

Fatiha (arapça الفاتحة‎ — al-fatiḥa "açqan") - Qurannıñ birinci suresi.

ٱلۡفَاتِحَةِ

Mudassir suresinden soñ Mekkede engen, 7 ayettir.

Qurannıñ ilk suresi olğanı içün, açış yapqan, açqan manasına köre "Fatiha" denilgen. Diger adları şular: Büyük Kitap manasına köre "Ummu'l-Kitap", dinniñ esaslarını tamamlayıcı manasına köre "el-Esas", baş mevzuları manasına köre İslâmnı añlatqanı içün "el-Vafiye" ve "el-Kâfiye", ilk olaraq engen yedi ayet manasına köre, "es-Sebu'l Mesaniy", bir çoq sırlarnı taşığanı içün "el-Kenz".

Peyğamber Muhammed aytı ki: "Fatihanı oqumağannıñ namazı olmaz" buyurğanlar. Manasınıñ itibarı ile Fatiha eñ büyük dua ve munacattır. Qulluqnıñ yalıñız Allahqa yapılacağı, yardımnıñ yalıñız Allahtan kelecegi, doğru yolda yürmekniñ de, doğru yoldan sapıluvnıñ da Allahnıñ iradesine bağlı olğanı, çünki hayır ve şerrni yaratqan da Allah olğanı hususlar bu surede öz ifadesini tapqandır.

Quran insaniyetke doğru yolnı köstermek içün endirilgen. Qurannıñ içine alğan hususları, baş mevzularınen Fatihada mevcuttır. Zira, Fatihada cevmege, tazimge ve ibadetke lâyıq tek bir Allahnıñ barlığı, Onıñ akimiyeti, Ondan başqa tayanılacaq bir küç olmağanı añlatıla ve doğru yolda yürmek, eyi insan olmaq tileginde bulunıla.

1. بِسْمِ ٱللَّهِ ٱلرَّحْمَٰنِ ٱلرَّحِيمِ
Bismi l-Lâ̄hi r-Raḥmāni r-Raḥīm
Rahman ve rahim olğan Allahnıñ adınen.
2. ‍ ٱلْحَمْدُ لِلَّهِ رَبِّ ٱلْعَٰلَمِينَ
al-Ḥamdu li-Llâ̄hi Rabbi l-‘ālâmīn
Hamd (maqtav ve maqtalmaq) alemlerniñ Rabbi Allahqa aittir.
3. ‍ ٱلرَّحْمَٰنِ ٱلرَّحِيمِ
ar-Raḥmāni r-Raḥīm
O rahmandır ve rahimdir.
4. مَٰلِكِ يَوْمِ ٱلدِّينِ
Māliki yawmi d-dīn
Ceza kününiñ saibidir.
5. إِيَّاكَ نَعْبُدُ وَإِيَّاكَ نَسْتَعِينُ
İyyaka na‘budu va-iyyaka nasta‘īn
(Rabbimiz!) Yalıñız Saña qullıq etermiz ve yalıñız Senden medet ümüt etermiz.
6. ٱهْدِنَا ٱلصِّرَٰطَ ٱلْمُسْتَقِيمَ
İhdinā ṣ-ṣirāṭa l-mustaqīm
Bizge doğru yolla köster(doğru yollanen yolla)
7. صِرَٰطَ ٱلَّذِينَ أَنْعَمْتَ عَلَيْهِمْ غَيْرِ ٱلْمَغْضُوبِ عَلَيْهِمْ وَلَا ٱلضَّآلِّينَ
Ṣirāṭa l-lâzīna an‘amta ‘alâyhim ğayri l-mağḍūbi ‘alâyhim wa-lâ ḍ-ḍāllīn
Özlerine lütf ve ikram etken kimseleriñniñ yolunı; ğadapqa oğrağanlarnıñ ve sapqanlarnıñ yolunı degil