Ablâziz Veliyev
| Ablâziz Veliyev | |
|---|---|
| Doğğan künü | 1939 oktâbr 25 (84 yaşında) |
| Doğğan yeri | |
| Memleketi | |
| Zenaatı | şair, yazıcı, terciman, jurnalist, faaliyetçi |
| Mukâfatlar |
 |
Ablâziz Veliyev (1939 s. d.) – belli qırımtatar şairi, yazıcısı ve gazetacısı.
Ablâziz Veliyev 1939 oktâbr 25-de Qırımda Qoz köyünde dünyağa keldi. 5 yaşında ekende anası Afifenen beraber Özbekistanğa sürgün etildi.
1962 senesinde Taşkentte Toqumacılar Cemiyetiniñ neşir etken Toqumacılar Avazı adlı gazetasında çalışmağa başladı. 1968-de Lenin Bayrağı gazetasında mesül kâtip oldı. İleriki senelerde Taşkent Universiteti Gazetacılıq Fakultetini bitirip diplomını aldı.
1976-da Refat Ametovnen beraber Amet Aqay adlı qırımtatar külkünçli ikâyeleri olğan kitapnı neşir etti. Daa soñra Bayraqqa Tamğan Közyaşlar (1980), Baht Yıldızı (1984), İrade (1987) Şevket Asanovnen beraber Qırımtatar Tapmacaları (1988), Aqıllı kirpi ile ayneci tilki (1988), Melek Köpüri kitaplarını yazdı.
Ablâziz Veliyev 40 yıldan ziyade Qırımtatarlarnıñ II Cian Cenkinde iştiraki mevzusında tarihiy tedqiqat yapa. Onıñ tarafından Qırımtatarlar Ekinci Cian Cenkinde adlı tedqiqiy bir eser azırlandı. Mezkür eser beş ayrı kitaptan ibaret, olardan üç dane endi neşir etildi: Faşizm Mabüsleri (2004), Qaramanlar Ölmeyler (2005) ve Cenk Ofitserleri (2008). Halq İntiqamcıları adlı dörtünci kitap al-azırda azırlanmaqta.
Bu vaqıtta Ablâziz Veliyev Yañı Dünya gazetasında Baş Neşriyat Müdir yardımcısı olıp çalışa.
Menbalar
[deñiştir | kodunı deñiştir]- Zera Bekirova Kalgay Mecmuası