Abdulla Lâtif-zade

QIRIMTATAR VİKİPEDİYASINIÑ MALÜMATI
Buña bar: qullan, qıdır
Abdulla Lâtif-zade
Doğğan künü: 1890 avgust 26(1890-08-26)
Doğğan yeri: Aqmescit, Rusiye imperiyası
Ölgen künü: 1938 aprel 17(1938-04-17) (47 yaşında)

Abdulla Abil oğlu Lâtif-zade (1890 - 1938) - belli Qırımtatar şairi.

Abdulla Lâtif-zade 1890 senesinde Aqmescitte doğdı. Balalıqta öksüz qalğan şair, dayısınıñ qatında yaşadı. Yerli rüştiyede oquğan şair daa soñra litseyniñ yedinci sınıfına kirip tasiline devam etti. 1909 senesinde İstanbulda, üç sene Ufada "Aliye" ("Ğaliya") medresesinde oqudı. 1905-1917 seneleri arasında Rusiye ordusında edi. I Cian cenkine qatıldı. 1920 senelerge qadar şeer ve köylerde muallimlik yasadı. Sovetler vaqtında Maarif Halq Komissarlığında çalıştı. 1928-1931 senelerinde Moskovada Güzel Sanatlar Akademiyasında oqudı. 1935-36 senelerinde Qırım Pedagogika İnstitutında dotsent olıp hızmet etti. 1938 senesi milliyetçiliknen suçlanıp qurşunğa tizildi.

Lâtif-zadeniñ sipti şiirlerinden olğan "Hayal - Ömür" 1910 senesinde neşir etildi. Şiirlerinde oca tabiatı ep is etilgen şairniñ "Ber!" ve "Qurtarıñız ölümden!" kibi şiirleri 1921 senesinde yaşanğan açlıqnı añlattı. "Şairge" (1923), "Ahır Zaman Quşu" (1923), "Aqınğa" (1923) şiirlerinde Qırım halqınıñ üriyeti ve yañı ayatqa alışmaları kibi mevzularnı aydınlattı. 1920 seneleriniñ ekinci yarısında Abdulla Lâtif-zade "Hayırsız Tüş" manzumesini yazdı. 1928 senesi "Yañı Saz" isimli şiir kitabını Aqmescitte latin ariflerinen neşir etti. Lâtif-zadeniñ Qırımtatarlarnıñ edebiyat tarihınen alâqalı maqaleleri, monografiyası müimdir.


Menbalar[deñiştir | Viki metnini deñiştir]

  • Türkiye Cumhuriyeti Kültür Bakanlığı

Bağlantılar[deñiştir | Viki metnini deñiştir]