Çerkez Ali
| Çerkez Ali | |
|---|---|
| Doğğan künü | 1925 mayıs 25 |
| Doğğan yeri | |
| Ölgen künü | 2005 fevral 21 (79 yaşında) |
| Ölgen yeri | |
| Memleketi | |
| Zenaatı | yazıcı, jurnalist, şair |
| Mukâfatlar |
 |
Çerkez Ali (aqiqiy adı Çerkez Ali Amet oğlu Ametov; 1925 s. d.) - belli qırımtatar şairi, ikâyecisi ve romancısı.
Çerkez Ali Ametov Qırımda Bağçasaray rayonınıñ Bağatır köyünde dünyağa keldi. Babası Qırımtatar Çerkez Ametnen, anası İstanbullı Melek Filsan (Padişa II Abdülhamitniñ yaveri İhsan Paşanıñ qız qardaşı) İstanbulda evlendi. O vaqıtlarda Kavkazdan kelgen er keske İstanbulda Çerkez dep aytılganı içün Qırımtatar Ametke de Çerkez dep taqmaq tağalar. Çerkez Amet apayınen beraber 1905 senesinde Qırımğa qayttı. Çerkez Amet daa Ali kiçkene ekende vefat etti.
Çerkez Ali ilk mektepni, Bağatır köyünde, orta mektepni Ğavr ve Kökköz köylerinde oqudı.
1944 senesinde sürgünlikte anasını yolda coydı. Özbekistanda ekende anasını izin taptı, qıdırmaq içün Mari Cumhuriyetine yolğa çıqtı. Lâkin anası Mari dağlarında coytulğan edi. Yaqalanıp sürgün qaçqını ükmünen Usoldag lagerine yiberildi. On sene anda qaldı, 1954-de azat etildi. Qazahistan ve Özbekistanda aydayıcı olıp çalıştı. 1962-de Lenin Bayrağı gazetasında, 1967-de Ğafur Ğulam neşriyatı Qırımtatar bölüginde çalışmağa başladı. Yıldız mecmuasında muarrirlik yaptı. 1968-de Taşkent Universiteti Rus Filologiyası bölümini tışardan bitirdi.
Çerkez Ali edebiy eserler yazmağa daa Qırımda ekende başlağan edi. İlk yazğan şiirleri Quş Qaya ve Muzıkant Olurım 1941-de Aqmescitte Yaş Leninciler mecmuasında neşir etildi.
Çerkez Ali tercime saasındada müim çalışmalar yaptı. Alişer Nevainiñ gazellerini, Nizaminiñ şiirlerini, Konstantin Simonov ve Lesâ Ukrainkanıñ eserlerini qırımtatar tiline tercime etti.
1995-de Qırımga qaytqan Çerkez Ali, Qırımdaki gazeta ve mecmualarda şiirlerniñ yazmağa devam ete. Belli Türk şairlerden Ataol Behramoğlu onı añlatqan Çerkez Ali adlı şiir yazdı.
Eserleri
[deñiştir | kodunı deñiştir]- Uluqlar (1969),
- Arzularım (1971),
- Sabalar Qucağında (roman, 1973),
- Yeşil Dalğalar (ikâye, 1976),
- Yer Nefesi (1979),
- Köz Nurlarım (1985),
- Pişkinlik (1987),
- Doğmuşlar (1988),
- Çoq Yürgen Çoq Körer (1991, Edebiyat makaleleri),
- Baş-taş Yazıları (1998),
- Uyan Çatırdağ Uyan (1999)
Bağlantılar
[deñiştir | kodunı deñiştir]- Çerkez Ali, Ataol Behramoğlu 15 yanvarniñ 2009 s. arhivlengen.
- Bizim Nikita, Küçelekler