Yunan elifbesi

QIRIMTATAR VİKİPEDİYASINIÑ MALÜMATI
Jump to navigation Jump to search

Yunan elifbesi (yunanca Ελληνικό αλφάβητο) - ME IX asırdan berli yunan tilinde yazmaq içün qullanılğan bir elifbedir. Yunan elifbesine esaslanıp latin ve kiril elifbeleri yaratılğan.

Tarih[deñiştir | kodunı deñiştir]

Qadimiy yunan tilinde belli olğan ilk yazı (ME 15-12 asırlar yani Mikenler medeniyeti zamanında) B çizgili urufatı ile yazılğan. B çizgili urufatı A çizgili yazıdan asıl olıp, İnd-Avropa tili olmağan Minos tilindeki yazılar içün hızmet etken. Mikenler medeniyeti yıqılğan soñ bu yazı da unutılğan. Yunan tilinde yañı yazılar endi qaranlıq asırlardan soñ peyda olıp, olar elifbe yazısınen yazılar olğan. Yunan elifbesi ME VIII asırda Finikiya elifbesiniñ daa inkişafı olaraq asıl olğan.