Yalıñız Ağaç

köy Yalıñız Ağaç ukr. Новогригорівка Memleket Ukraina Vilâyet Herson vilâyeti Rayon Geniçesk rayonı Coğrafik koordinatalar 46.41, 34.9846°24′36″ ş. e. 34°58′48″ ş. b.46.41° ş. e. 34.98° ş. b.    Temeli qoyulğan tarihı XVIII asır Meydanlıq 112,94 km² Yükseklik 10 m (deñizge nisbeten) Eali 2408 kişi Eali sıqlığı 21,32 kişi/km² Saat quşağı UTC+2, yaz vaqtında UTC+3 Telefon kodu +380 5534 Poçta indeksleri 75541 Yalıñız Ağaç Yalıñız Ağaç Vikianbarda Yalıñız Ağaç

Yalıñız Ağaç ya da Novogrıgorivka (ukraince Новогригорівка) - Ukrainanıñ Herson vilâyetinde Geniçesk rayonında bir köydir. Ealisiniñ sayısı 2408 kişi.

Tarih

Toponim ilk olaraq 1788 senesi çıqarılğan nemse tilli bir haritada "Ienitsch Agosch" adınen añılğan.. Köyniñ temeli 1794 senesi qoyuldı. 1794 senesi poruçik Beymambet mırza Or Qapı çöllerinde (Alıñız) Yalıñız Ağaç degen yerniñ yanında on hane yerleştirilmesi içün topraq alğanı aqqında bir vesiqa saqlandı.. Soñra mında Tatar volost idaresi bar edi.

Qırım cenkinden soñra bölgede yaşağan qırımtatar ve noğaylar basqı is etip çetelge köçip başladı. Eñ faal icret 1860-1861 seneleri oldı. Neticede Yalıñız Ağaçtaki evlerniñ çoqusı boş qaldı. Bu devirde Tatar volostı lâğu etildi.

Henichesk Rayon on Maps created by Schubert in 1859

1862 senesi Tatar volost idaresiniñ binası kilse cemaatına berildi ve 1881 senesi kilse qurulğanına qadar qullanıla edi .

1886 senesi Yüz Quyu volostı içindeki köyde 2211 adam yaşadı, 408 hocalıq, ibadethane, mektep, poçta stantsiyası, 8 skemle, tola zavodı ve 2 kervansaray bar edi, yılda 2 yarmalıq bar edi: martnıñ 17-sinde ve oktâbrniñ 26-sında, bazar künleri bazarlar açıla edi.