Uspeniye keşişhanesi (Bağçasaray)
.jpg)
Uspeniye Anastasiya aqay manastırı - Bağçasaraynıñ Salaçıq maallesiniñ yanında, Çufut Qale yolunda Moskva Patriahlığı Ukrain ortodoks kilsesiniñ keşişhanesidir. Manastır, vertikal taş divarında yerleştirilgen.
Umumiy tasvir
[deñiştir | kodunı deñiştir]XV asırda[1] Qırım Hanlığı zamanında Bağçasaraynıñ yanında peyda olğan eñ belli qoba keşişhanelerinden biri. Qorulmağan qasabası olaraq körünip, içinde yerastı kilse, mesken ve iş içün qullanılğan qobalarnen beraber kilseniñ toprağında qurulğan binalar da bar. Bir qaç sefer tış körünişi yañıdan qurulıp deñiştirilgen edi.
XV asırda Uspeniye keşişhanesi, Qırımda ortodokslıq merkezi, mitropolitniñ rezidentsiyası edi.
Hristianlarnıñ Qırımdan köçip ketkeninden soñ manastır boş olıp qısmen viran etilgen edi. XIX asırnıñ ortasında ğayrıdan qurulğan edi. 1854—1855 ss. Aqyar mudafaası vaqtında onıñ qobalarında hastahane yerleştirilgen edi. 1921 senesi sovet ükümeti tarafından qapatıldı, 1990 seneleri yañıdan açıldı.