Ortodokslıq

QIRIMTATAR VİKİPEDİYASINIÑ MALÜMATI

Ortodokslıq (Pravoslavlıq) yani Ortodoks (Pravoslav) Kilsesi - IV ve VIII asırlar arasında toplanğan Umumdünya Şuralarnıñ kanonik olğanını qabul etken eñ eski hristian mezebidir. Dünyada 300 millionğa yaqın cemaatı bar. Katoliklik ve protestantlıqtan soñra üçünci büyük hristian mezebidir.

Ortodoks Kilsesi bir qaç mustaqil kilselerden ibaret. Olardan eñ müimleri Yunanistan, Rusiye, Bulğaristan, Romaniya ve Sırbistan kilseleridir. Kilseniñ başı (teñlerniñ birincisi) İstanbuldaki patriktir.