Uriye Edemova
| Uriye Edemova | |
|---|---|
| Doğğan künü | 1938 aprel 23 (86 yaşında) |
| Doğğan yeri | |
| Memleketi | |
| Zenaatı | yazıcı, jurnalist |
Uriye Edemova (1938 s. d.) - belli qırımtatar yazıcısı
Uriye Edemova 1938 senesinde Baydar uvada dünyağa keldi. Babası ve ağası cenkte ekende, anası Alime ve dört qardaşınen beraber 1944 sürgünliginde Sırdarya vilâyetine yiberildiler. Ağası cenkte öldi, babası cenkten soñ 1947-de olarnı qıdırıp taptı.
Uriye Edemova daa örgencilik yaşlarında ana tiline ve edebiyatqa aveslenip qısqa ikâyeler, maqaleler yazmağa başladı. 1963-de Lenin Bayrağı gazetasında onıñ Qırmızı Gül adlı ilk ikâyesi neşir etildi. 1965 senesinden son Lenin Bayrağı gazetasında çalışmağa başladı.
Uriye Edemova, “Ömürlik yanımdasıñ”, “Baş yazısı”, “Nişan yüzügi”, “Saniye”, “Başımnıñ ucundasın”, “Anam”, “Yürek ateşi”, “Aydın gecede” eserlerinen qırımtatar halqınıñ yüreginde sayğı, itibar, aqiqiy sevgi qazana bildi. O, qırımtatar yazıcı ve şairleriniñ kitaplarını neşir etme işinde de müim çalışmalar yaptı. Taşkentteki Ğafur Ğulam neşiriyatında Qırımtatar edebiyatı bölüginde çalıştı ve qırımtatar tilinde yazılğan kitaplarnı neşirge azırladı.
Şimdiki vaqıtta, Uriye hanım, Tavriya devlet neşriyatı Qırımtatar edebiyatı bölüginiñ müdiridir ve belli qırımtatar şairlerinden Bilâl Mambetniñ omür arqadaşıdır.
Menbalar
[deñiştir | kodunı deñiştir]- Zera Bekirova, Kalgay mecmuası
- Türkiye Cumhuriyeti Kültür Bakanlığı