Ukraina Yuqarı Şurası

QIRIMTATAR VİKİPEDİYASINIÑ MALÜMATI

Ukraina Yuqarı Şurası (UYŞ) — Ukraina devlet ükümetiniñ yekâne qanun çıqarıcı teşkilâtı. Ukraina Yuqarı Şurasınıñ meslekdeşlik qurulışı olıp, o, gizli rey berüv vastasınen umumiy, musaviy ve doğrudan saylav aqqınıñ esasında beş yıl müddetine saylanğan 450 Ukraina halq deputatlarındn ibarettir.

Ukraina Yuqarı Şurası qanunlar qabul etmege salâhiyeti olğan qanun çıqarıcı ükümetniñ yekâne teşkilâtıdır.

Ukraina Yuqarı Şurasınıñ salâhiyetleri, onıñ sessiyası devamında keçirilgen oturışlarda Ukraina halq deputatlarınıñ ortaq faaliyeti sayesinde yerine ketirile.

Ukraina halq deputatlarınıñ salâhiyetleri Anayasa ve Ukraina qanunlarına esaslanıp tayin etile. Ukraina halq deputatları öz isteginen fraktsiyalarğa birleşe bile.