UAnimals

QIRIMTATAR VİKİPEDİYASINIÑ MALÜMATI
Jump to navigation Jump to search

UAnimals
Temeli qoyulğan2016
Teşkilâtnıñ çeşitiСemaat teşkilâtı
ReberОleksandr Todorçuk
AdresKıyiv, Ukraina

UAnimalsUkrainada ayvanlarnıñ aqlarını qorçalağan insaniyetlik areketi.

Tarih[deñiştir | kodunı deñiştir]

Cemaat faali Оleksandr Todorçuk 2016 senesi ayvan aqlarını qorçalağan teşebbüsini qurdı.

UAnimals teşkilâtınıñ faaliyeti tsirkte ayvanlarnıñ istismarına qarşı küreşinen başladı, bu künge qadar teşkilât Kıyiv, Dnipro, Ternopil ve başqa şeerlerde köçüci tsirklerde ayvanlarnıñ yasaqlanmasını talap etip, maqsatlarına irişti. Şimdi aynı teşebbüs Ukrainada ayvanlar istismarınıñ bütünley yasaqlanmasını talap etmege devam ete.

2017 senesi oktâbrniñ 15-inde Ukrainada ayvan aqlarınıñ qorçalanuvına bağışlanğan yürüş UAnimals tarafından ötkerildi[1]. Bu adise Ukrainanıñ 17 şeerinde olıp keçti. Kıyiv, Lviv, İvano-Frankivsk, Ades, Dnipro ve Mariupol kibi şeerler bu ğayege qol tuttı. Kütleviy haber vastalarınıñ malümatına köre, tek Kıyivde ötkerilgen yürüşke beş biñden ziyade insan iştiraq etti[2]. Böyleliknen, teşkil olunğan marş Şarqiy Avropada ayvan aqları qorçalanuvına bağışlanğan tedbirler arasında eñ büyük insan destegini qazanğan tedbir olaraq tanıldı[3]. Şu seneden başlap, çeşit vilâyet qasabalarda, şeerlerde biñlernen adam toplağan ve çeşit cemaat erbaplarınen beraber belli sanat adamlarnı (meselâ, Camala ve ONUKA)[4] birleştirgen yürüş tedbiri er yıl ötkerilmekte.

2017 senesinden başlap insaniyetlik areketi faal şekilde kürkten vazgeçüv prapagandasını başladı. UAnimals teşebbüsiniñ ötkergen muzakereleriniñ neticesinde Andre TAN, BEVZA, ELENAREVA, Ksenia Schnaider, PRZHONSKAYA, Nadya Dzyak ve Yana Chervinska, öz şirketlerinde yaratılğan urbalarında, kürk işletilmesinden vazgeçti[5]. Budan da ğayrı UAnimals yunus balıqlarını tutqan delfinariylerniñ qapatılması ve ayvanlar üzerinde tetqiq etmelerniñ toqtatılması içün küreşini devam ete.

Menbalar[deñiştir | kodunı deñiştir]

  1. «5 канал»: Фото: до маршу за права тварин у Києві долучилися навіть чотирилапі (ukr.). 2019 avgustnıñ 2 teşkerilgen.
  2. «The Village»: Кількість учасників Маршу за права тварин у Києві (ukr.). 2019 avgustnıñ 2 teşkerilgen.
  3. «Громадський простір»: Добірка громадських ініціатив, які рятують довкілля (ukr.). 2019 avgustnıñ 2 teşkerilgen.
  4. «Хмарочос»: Марш за права тварин у Києві (ukr.). 2019 avgustnıñ 2 teşkerilgen.
  5. «24 канал»: Одразу сім українських модних брендів відмовилися від хутра: перелік (ukr.). 2019 avgustnıñ 2 teşkerilgen.

Bağlantılar[deñiştir | kodunı deñiştir]