Televizion
Televizion, daa telekorüv (qadimiy yunanca τῆλε - uzaq ve latince vīsiō - körüv sözlerinden yapılğan) - aqiqiy zamanda bir bericiden elektrik-mıqnatis dalğası alında yayınlanğan körünti ve seslerniñ, ekranlı ve yanğıratqıçlı elektronik alıcılar sayesinde yañıdan körünti ve seske çevrilmesini yapqan bildirişüv sistemasıdır.
Telekorüv, bildirişüv, kütleviy haber vastalarınıñ şiddetli vatası ola. Bunen beraber, daa tar manasında telekorüv degende tehnika ve uyğun tehnikiy ilimniñ saası, dep belleyler.
Telekorüv degende daa auidovizual programmalarnı işlep çıqaruvnı ve yayınlanuvını ya da satın alınğan audiovizual programmalarnı ve olarnı yayınlavnı tehnikiy usullarına baqmadan olarnıñ tarqaluvını tekmillev dep sayalar.
Telekorüv, qaba deñev şeklinde daa 1920 senelerniñ soñunda mümkün olğan. Ekinci cian cenkinden soñ qara-beyaz telekorüv yayınlavınıñ mükemmelleştirilgen şekli AQŞda, soñra ise dünyanıñ başqa memleketlerinde rağbet qazanğan. '60 seneleriniñ ortasında inkişaflı memleketlerde renkli yayınlav keniş sürette darqalğan. Betamax ve VHS kassetler, lazer diskleri, fleş toplağıçlar ve resimlerniñ yazuv ve kösterüviniñ diger kompakt usullarnıñ işlenip çıqarıluvı ile televizorlarnı tek teleyayınnı almaq içün degil, yazılğan malümatnı seyir etmek içün de qullanmağa başladılar. İnternetniñ peyda olması ile internet telekorüvi peyda olıp inkişaf ete.
