Rusiye mallarını satın alma!

QIRIMTATAR VİKİPEDİYASINIÑ MALÜMATI
Buña bar: qullan, qıdır

"Rusiye mallarını satın alma!" (ukraince Не купуй російське!, Ne kupuy rosiys'ke!) - Ukrainada keçirilgen Rusiyede yapılğan mallarını satın almamağa çağırğan kampaniya. Narazılıq kampaniyası 2013 s. avgustnıñ 14-ünde Rusiyede ukrain mallarına qoyulğan embargosına qarşılıq olaraq başlandı. 2014 s. Qırım ve Donbasta silâlı çatışma başlanğan soñ kampaniya yañıdan canlandırıldı.

Asıl, rusiye mallarını iqtisadiy boykotı Regionlar fırqasına ve onıñ azalarına ait olğan şirketlerine ukrainler tarafından korsetilgen boykotından başını ala. Şay, 2013 senesi ukrain akimiyeti AB ile assotsiatsiyanı imzalamayıp, cevap olaraq ukrainler tarafından narazılıq kampaniyası başlana; tezden bu narazılıq kampaniyası umumukraina cemiyet areketine çevirile. 2014 s. fevralde Rusiye Qırımnı işğal etip ve Ukrainağa arbiy tecavuz körsetip, umumukraina cemiyet areketi endi Rusiye mallarını boykot etüvge çevirile.

İçtimaiy ağlarda bu yonelişke qoşulmaq celp etken çağıruvlar, muracaatlar, malnı peyda oluvı ne yerde diqqat ile satın alıñız degen beyanatlar peyda olmağa başladı, çünki Rusiyeniñ malını satın alsaq, işğalcilerge maliyeviy, yani finans, qoltutuv kibi sayıla. Areketniñ "Rusiye mallarını satın alma!" degen şiarı tek Ukrainada degil de, bütün medeniy memleketlerine de tarqatıldı. Malnıñ istisalcı memleketinen meraq etiñiz, Rusiye brendlerni ve "46" barkodunı boykot etip satın almañız[1], dep, teşviqat kampaniyası muracaat ete[2].

Bügünki künge İlbav bazarlarında satıcılar tesbit eteler ki, Rusiyeniñ "Çistaya liniya", "Babuşka Agafya", "Çörnıy jemçug", "100 Retseptov krasotı" degen kosmetik vastaları yavaş-yavaş ğayıp olalar. Olarnıñ yerine yerli ve avropalı mallar peyda ola[3].

Bağlantılar[deñiştir | kodunı deñiştir]

Atıflar[deñiştir | kodunı deñiştir]

  1. "46" barkodnın boykot etiñiz
  2. "Rusiye mallarını satın alma!" kampaniyası quvetleşe bere 3/02/2015, radiosvoboda.org
  3. Rusiye mallarını iqtisadiy boykotı 16/02/2015, zaxid.net