Hersones

QIRIMTATAR VİKİPEDİYASINIÑ MALÜMATI
Jump to navigation Jump to search

Hersones (qadimiy yunanca Χερσόνησος) — Qırımnıñ cenübiy ğarbında (Aqyar şeer şurası) antik ve bizans şeer-devlettir.

2013 senesi iyünniñ 23-ünde, Kambocada keçken UNESCO dünya mirası komitetiniñ 37-inci sessiyasında Hersones ve onıñ horası (köy hocalığı ortalığı) UNESCOnıñ dünya mirası cedveline kirsetilgen edi.

Tarih[deñiştir | kodunı deñiştir]

Hersones

Polis, şeer-devlet[deñiştir | kodunı deñiştir]

Hersones ne vaqıt qurulğanı tam belli degil. Deerlik bütün ХХ asır boyu Hersonesni temel qoyuluvnıñ umumiy qabul etilgen tarihı — m. e. 422–421 ss. Pontiyalı Gerakleyadaki doriy yunanlar meşur Delfler keanetiniñ alâmeti ile beotlilernen beraber Qara deñizniñ şimaliy yalısında yunan polisi olaraq temel qoyuluvı tarihı sayılıp, antik devri devamında Tavrikanıñ cenübiy ğarp yalısınıñ müim ticariy, esnaf ve siyasiy merkezi olğan. Hersones, Karantin ve Qumlu ufaq körfezleri arasında zemaneviy Aqyar şeeriniñ sıñırlarında yerleşe. Faqat Hersonesniñ eñ qadimiy arheologik tapılmaları — qaraşekilli çölmek — m. e. VI asırnıñ üçünci ve dörtünci çerigine ait eken ki, bu, tedqiqatçılarğa şeer temel qoyuluvınıñ ğayrıdan tarihlaması içün isbat qoşıp, munaqaşalar alâ devam ete.