Gremmi

QIRIMTATAR VİKİPEDİYASINIÑ MALÜMATI
Buña bar: qullan, qıdır

"Gremmi" (inglizce Grammy Awards) – AQŞ sesyazma şirketleri Assotsiatsiyası tarafından 1958-ci senes 14 martında tesis olunğan Amerika sesyazma akademiyasınıñ tarafından taqdim etilgen muzıka mukâfatı. Zemaneviy muzıka dünyasında eñ şerefli mukâfatlarından biridir, oñı kinematografiya saasında "Oskar" degen mukâfatınen olçeştirme mümkündir, em de "Gremmi"ge kimerde bir "muzıka Oskarı" da deyler.

1957 senesi Los-Anjeleste Tomas Edisonnen yaratılğan grammofonnıñ 80 yıllıği qayd etilgen vaqtında, professional muzıkantlarnıñ tarafından "Gremmi" mukâfatnıñ yaratuv ğayesi peyda olğan edi, tamam bu sebepten de mukâfatlı eykelçikniñ şekili – ufaq yaldızlı grammofondır.

Birinci mukâfat berüv merasimni 1958 s. Frenk Sinatra açqan edi, o da soñra "Gremmi" mukâfatına eki kere irişken edi. Tantanalı mukâfatlandıruv merasimni ötkerilmek aq oğrunda daima Los-Anjeles ve Nyü-York küreşeler.

"Gremmi" AQŞnıñ milliy ğururudır, çünki "Gremmi" mukâfatı farqlı-farqlı tarzlarda işlegen muzıkantlarnıñ, yırcılarnıñ, bestekârlarnıñ muvafaqiyetleriniñ mıtlaq qayd ete, em de şu mukâfat berüvi 20 biñge yaqınlaşqan Amerika sesyazma akademiyasınıñ azalarnıñ qararından bağlıdır.

Er sene 108 kategotiyasında 30 yaqın farqlı muzıka janrlar boyunca "Sesyazma akademiyası"nıñ (ingl. "Recording Academy") vekâletli azaları rey berilgen neticesinde "Gremmi" mukâfatı beriledir. Rey aqqı bar olğan insanlarnıñ arasında muvafaqiyetli ve tanılğan artistler, sesmüendisler: Djon Bon Djovi, Prins, Pol Saymon, Nora Djons, Beyonse. Biraz ayrıca tura "Ayatiy yeñişler oğrunda Gremmi mukâfatı" (ingl. "Grammy Lifetime Achievement Award") – o muzıkağa salmaqlı isse qoşqan içün ayrı bir mukâfattır.

2015 s. fevralniñ 8-de endi 57ci "Gremmi" mukâfatlandıruv merasimi "Staples Center" degen yerde Kaliforniyadaki Los-Anjeles şeerinde ötkerilecek.

Balaban dörtlik[deñiştir | Viki metnini deñiştir]

Balaban dörtlik (ingl. "The Big Four") — dört tane eñ şerefli sayılğan "Gremmi" mukâfatlarıdır:

Mukâfatlandıruv kategoriyaları[deñiştir | Viki metnini deñiştir]

Bağlantılar[deñiştir | Viki metnini deñiştir]