57-nci "Gremmi" mukâfatlandıruv tedbiri

QIRIMTATAR VİKİPEDİYASINIÑ MALÜMATI

57-nci "Gremmi" mukâfatlandıruv tedbiri 2015 senesi fevralniñ 8-inde Kaliforniyadaki Los Anceles şeerinde ötkerildi.

2013 senesi oktâbrniñ 1-inden 2014 senesi sentâbrniñ 30-ınace yaratılğan eserler "Gremmi"-2015 mukâfatına irişmek içün imkânları bar edi. 2014 senesi dekabrniñ 5 künü mukâfat içün saylanğan namzetler ilân etilgen.

Sem Smit, Beyonse ve Vilyams Farell 6 nominatsiyada taqdim etilgen; 22 yaşında olğan britaniyalı Sem Smit "Gremmi" tarihında "Büyük dörtlük"niñ er bir kategoriyasında namzet etilip kösterilgen ekincisidir: yıl yırı ve yazısı ("Stay With Me"), yıl albomı ("In the Lonely Hour") ve yıl keşfi.

Şay, 2014 senesi tolu debüt albomını çıqarğan Sem Smit, birden dört Gremmini elde etti: Yıl yırı ("Stay With Me"), Yıl yazısı ("Stay With Me"), Yıl keşfi (prestijli Büyük dörtlükten), ve ayrı – Eñ güzel pop albomı ("In the Lonely Hour").

Amerikalı yırcı Beyonse üç "Gremmi" qazandı: "Eñ güzel R&B yırı", "Eñ güzel çıqış" ve "Eñ güzel müit sesli (surround sound) albom".

Bek "Morning Phase" albomı içün "Yıl albomı" ve "Eñ güzel rok albomı" eki "Gremmi" eykelçigini elde etti.

Ledi Gaga Toni Bennet ile "Eñ güzel ananeviy pop albomı" ("Cheek To Cheek") nominatsiyasında "Gremmi" qazandılar.

Rep icracısı Eminem "The Marshall Mathers LP2" albom içün "Eñ güzel rep albomı" nominatsiyasında "Gremmi" qazandı. Em de Eminem Rianna ile "The Monster" yırı içün "Eñ güzel rep dueti" elde ettiler.


Bağlantılar[deñiştir | kodunı deñiştir]