Gül yapraq tatlısı

Gül yapraq tatlısı — gül çeçegi yapraqlarını şekernen pişirgeninen elde etilgen tatlı bir çeşitidir.

Yaqın Şarq ve Aq deñiz memleketlerinde tapılır. Qırımtatarlar arasında da bu desert pek populârdır.

Başta çeçek yapraqlarınıñ alt beyaz qısmını keseler, qururğanlarnı alıp taşlaylar, eleknen çeçek tozundan temizleyler. Azırlanğan yapraqlarnı suvuq suvnen yuvalar. Yapraq, suv ve şekerden şerbet pişireler, oña tabiiy tüsüni saqlasın ve adden aşır tatlı olmasın dep limon ekşiligi ya da limon suvu qoşalar. Şeker yerine sorbitol qullanıla bile.

40% şekeri ya da 40% sorbitolı olğan gül tatlısı, diabet hastalarınıñ az kaloriyalı diyetasında tevsiye etile.

Gül tatlısı