Ceneviz qalesi (Sudaq)

Ceneviz qalesi  — 1371 senesinden başlap 1460 senesine qadar cenevizler tarafından Sudaq (Qırım, Ukraina) şeerinde qurulğan qale.

Qale, Cenevez Qaya dağını teşkil etken qadimiy mercan rifinde Qara deñizniñ Sudaq körfezi yalısındadır. Qaleniñ meydanlığı aman-aman 30 gektar.

Tarih

Sudaqnıñ birinci qale divarları VI—VII asırlarda bizanslar tarafından qurulğan edi. Ayrı mudafaa inşaatlar (Uyutnoye köyündeki körfezniñ kenarında «Deñiz yanı pekitme») daa m.s. IV asırda Bizans İmperiyası kelmeden evel inşa etilgen edi.

Birazdan qaleni hazarlar zapt etip, X—XII asırlarda o, kene bizanslarnıñ eline keçti. XIII asrında Sudaq Venedik müstemlekesiniñ merkezi oldı, amma cenevizler yavaş-yavaş raqiplerini Qırımdan sıqıştırıp çıqardılar. 1365 senesi olar Sudaqnı, ondan soñ bütün cenübiy yalı boyunı da basıp aldılar. Sudaq qalesiniñ künlerimizge kelgen çoqusı inşaatlar, Ceneviz devrine ait olğanı sebebinden oña Ceneviz Qalesi deyler.

Ceneviz qalesine bağışlanğan pul

Qaleden Sudaqnıñ körünişi

Galereya

• 
• 
• 
• 
•