Anime

QIRIMTATAR VİKİPEDİYASINIÑ MALÜMATI
Jump to navigation Jump to search
Vikipe-tan

Anime (yaponca アニメ HSE: [an̠ʲime] (diñlemek), inglizce animation[animation] — animatsıya) Yaponiyada peyda olğan animatsıya üslübidir. Diger memleketlerniñ animatsıyasından esas farqı, anime balalarğa degil, ekseriyette ösmürlerge ya da atta büyüklerge doğrutılğan. Tek Yaponiyada degil, dünyada da mot[1].

Anime sıq (lâkin er vaqıt degil) personaj ve üzeriniñ özüne has bir üslübinen farq ete. Teleseriallar, em de videotaşıyıcılarda tarqatılabilgen ya da kinokösterüvge keliştirilgen filmler şeklinde çıqarıla. Animege büyük janr çeşitligi ait, o, diger memleketlerde animatsıyağa degil, kinoğa has. Umumiy janrlar (uruş, detektiv ve dig.-den) ğayrı, tek animege has soyları da bar. Tamam çeşitlik ve türlü yaştaki seyircilerge doğrultuv, animeniñ baş üstünlikleridir. Diger memleketlerde animatsıya ekseriyette balalar içün abstrakt sanat sayıla ya da şaqa ve oşatuv eserler içün qullanıla, anime ise - tolu qıymetli bir sanattır.

  1. «Breaking The „Rules“: The Transmission Of Japanese Culture In The Age Of Globalization». Susan Napier Mitsubishi Professor of Japanese Studies, University of Texas, USA. 2005. 24 лютого 2008 teşkerilgen. 9 лютого 2006 arhivlengen.