Japon tili

Japon tili (öz adı 日本語, にほんご, にっぽんご, nihon-go [nʲiɦoŋŋo], nippon-go [nʲippoŋŋo]) - japonlar, Japon taqımadalarınıñ sakinleri ve icretteki japonlar tarafından laf etilgen til. Japon-rükü til gruppasına aittir. Grajdanlıqqa alınğan ecnebiylerden ğayrı, Japon sakinleri episiniñ ana tilidir. Uquqiy ceetten resmiy til degil, amma aqiqatta resmiy til olaraq qullanıla. Japon tasil sistemasında “devlet tili” olaraq ögrenile.

Japon tili 日本語
Telâffuz:	nʲiɦoŋŋo
Memleketler:	Japon
Resmiy status:	Japon
Laf etken sayısı:	~128 Million (2020)
Sınıflaştırma
Kategoriya:	Asiya tilleri
Japon tilleri Japon tili
Elifbe:	Hiragana, Katakana, Kandzi
Til kodları
ISO 639-1:	ja
ISO 639-2:	jps
ISO 639-3:	jps
Vikipediyanıñ Japonca bölügi bar

Türlü qıymet kesüvlerge binaen, til taşıyıcılarnıñ miqdarı, 127-130 million şahısnı teşkil ete, japon tili, til taşıyıcılarnıñ sayısına köre 9 yerde.

Japon tiliniñ bar olğanını tasdıqlağan ilk vesiqalı malümatlar VIII asırda yazılğan.

Japon tilini yazıda ifade etken üç terkibiy unsurlar - hiragana ve katakana degen eki sillabik elifbe ve Kandzi iyeroglifleridir. Bundan da ğayrı, japon fonemalarını seslendirmek içün bazıda romadzi adlı japon latin elifbesi qullanıla.

Japon tiliniñ luğatı milliondan ziyade sözden ibaret. Til, çin tiliniñ tesirine oğrağan edi. Ekinci Cian cenkinden soñ ingliz tilinden sözlerniñ faal alınması biline.