Viktoriya gölü
Viktoriya, Viktoriya-Nyanza, Ükereve (inglizce Victoria, Victoria Nyanza, luo tilinde Nam Lolwe, lug. 'Nnalubaale) - Afrika platformasınıñ tektonik sapmasında yerleşken Şarqiy Afrika gölü, Keniya, Uganda ve Tanzaniyanen sıñrındaki Afrikanıñ eñ büyük gölü; ayvanatına zengin; gemi yolculığı ve balıqçılığı inkişaf etilgen.
Gölni 1858 senesi keşf etip, onı Viktoriya Qıraliçesi şerefine adlağan britaniyalı tetqiqatçısı Con Genning Spik edi.
Viktoriya gölüniñ tarihı[deñiştir | kodunı deñiştir]
Umumiy malümat[deñiştir | kodunı deñiştir]
Viktoriya gölü aqqında qayd etilgen ilk malümat, altın, filtiş ve başqa qıymetli şeylerniñ ve qullarnı qıdıruv maqsadınen içteki yollar boyunca seyaat etken arap alış-verişçilerinden kele.
Belli qadimiy harita, 1154 senesi tarihlıdır. Bu harita, müellifi, musulman coğrafiyacı ve haritacı Muhammad al-İdrisiniñ tefsirlerinen beraber “Rojer kitabı” adınen belli. Bu kitap, Viktoriya gölü aqqında doğru tasavurnı ifadelep, onı Nilniñ çoqrağı dep tasvirley.