Ukraina devlet tuğrası

Ukraina Devlet Tuğrası, ya da Ukraina küçük Devlet Tuğrası — mavı qalqanda altın trızub şeklinde Ukrainanıñ resmiy tuğrası. Bu, bayraq ve gimn ile beraber Ukrainanıñ üç devlet timsalinden biridir.

Tuğra

Ukrainanıñ küçük tuğrası olaraq trızubnıñ grafik tasviri 1992 senesi fevralniñ 19-ında Yuqarı Şurasınıñ qararı ile tasdiqlandı. 1996 senesi onıñ statusı Ukraina Anayasasınıñ 20-nci Maddesinde belgilendi. Anda o, "Kinaz Volodımır Devletiniñ Tamğası" olaraq da qayd etile.

Tuğra X—XII asır, Kiyev kinazlığı, Rürik sülâlesiniñ tamğalarından çıqa. Tuğra-trızubnıñ ananesi Ukraina Halq Cumhuriyetiniñ tuğrasından, 1918 senesi fevralniñ 12-si Korostende Küçük şura ve 1918 senesi martnıñ 22-de Kyivde Ukraina Merkeziy Şurası tarafından alınğan qararlardan başlana. Trızubdan ğayrı, ukrain devlet qurulışlarınıñ tuğraları arasında Rus Arslanı, Pogon Ruska, Tüfeknen Qazaq ve başqaları bar edi.

Anayasağa köre, trızub Ukrainanıñ büyük Devlet Tuğrasınıñ esas unsurı olmaq kerek. O, Yuqarı Şura reyleriniñ çoqusınen (2/3 rey) qabul etilmeli. Aynı vaqıtta, büyük tuğranıñ leyhasına bir qaç yarış keçirilgenine baqmadan, iç bir tuğra alâ daa tasdiqlanmadı.