Suahili tili

QIRIMTATAR VİKİPEDİYASINIÑ MALÜMATI

Suahili, öz-özüni adlav Kisuahili - Suahili kenarında ve şarqiy Afrikanıñ qıtaiy memleketlerinde (Tanzaniya, Keniya, Uganda, Ruanda, Brundi, Kongo DC ve ilâhre)  tahminen 100 mln insan laf etken til.

Suahili - Afrika qıtasınıñ eñ emiyetlilerinden biri ve bantu tillerinden eñ büyügi. Etnikara qonuşuv tili olıp, suahili, şarqta Suahili kenarından ğarpta KDC merkeziy vilâyetlerine, şimalde Somaliden cenüpte Mozambikke qadar Afrikanıñ büyük Şarqiy ve Merkeziy territoriyasında darqalğan.

Suahili, Tanzaniya, Keniya ve Ugandanıñ devlet tili ola. O, daa Ruanda, Burundi, Zambiya, Malavi, Komor adaları ve Madagaskarda faal sürette qullanılmaqtadır. Suahili - Afrika birleşmesiniñ (2004 seneden itibaren) iş tili statusını alğan yekâne afrikalı tili ola.

Farqlı malümatlarğa binayen, suahili, 2,5-5 mln şahsı içün ana tili olaraq sayılmaqtadır. Daa 50-70 mln şahıs, onı qonuşuvda ekinci ya da üçünci til olaraq qullana.

C. Grinbergniñ şecereli tasnif etüvine esaslanıp bant tilleri, benuye-kongolez zümresiniñ niger-kongolez ailesine ait.

M. Gasriniñ içki tasnifine köre, suahili tili, G42 gruppasına ait: Bant şekilli / Cenübiy / Tar bantlı / Merkeziy / G.

Zemaneviy suahili, latin urufatını qullanmaqta.