Soul
Soul (inglizce soul – "can-göñül") – 1950 senelerinde. AQŞnıñ afroamerikanlar tarafından yaratılğan muzıka yönelişidir – eñ emotsional, eñ duyğulı, eñ tesirli em teren manalı yönelişidir, çünki afroamerikanlarnıñ qulluq ve aqsızlıq devriniñ aqqında soul bir canlı esletme dayın ola. Musaviy uquqlar oğrunda küreşkende afroamerikanlarnıñ böyle "Black is beautiful" ("Qara olmaq acayiptir") şiarı peyda oldı. Yaşlar içün soul milliy şuurını yükseltmek müim vazifesini becerdi, demek mümkün. Qayd etmek kerek ki, soulğa eñ yaqın fank yönelişi oladır, çünki şu eki yönelişniñ meydanğa kelüv sebebi birdir – o afroamerikanlarnıñ aqları içün areketi; asıl, 1960 seneleri ortasında soulnıñ devamı fank özüne aldı.
Kimer muzıkaşınaslar deyler ki, "qara" adamlar dayın, soulnı kerek derecede "beyaz"lar beceramay, "beyaz" insanlarğa o kelişmegen, amma ket-kete "blue-eyed soul" (kökközlü soul) degen yöneliş de peyda olmağa başladı. Şay, ilk kere "kökközlü soul", eki "beyaz" amerikalı Bill Medli ve Bobbi Hetfildten ibaret, "Righteous Brother" vokal dueti icrasında yañğırağan; 1964 senesinden başlap olarnıñ audio yazıları zencilerniñ hit-paradlarında daima yañğıra ediler; soñra "Young Rascals", "Hall and Oates" ("Blueyed Soul Brothers"), "Delaney&Bonnie" ve başqaları o "beyaz" soul yönelişni devam ettirdiler. Şimdi ise "kökközlü soul" ıstılası, qullanılmay asıl, çünki çoqusı soul hitleri em "qara", em "beyaz"larnen birlikte yazıla, şay, ket-kete teri tüsü köstergiç statusını coyğan.
Soulnıñ bazı hususiyetleri: bir nefeste ve bir metin ecasına (melizm) icra etilgen, ve uzun ezgili fragmentlernen oyalanğan qudretli vokal, özgün bir vokal passajları. Soul afroamerikan kilse vokal taqımı solist ile dialognı özüne de has ettirgen. Soul riffleri baqır nefesli aletlernen unisonda icra etile.
Soul yırcıları
[deñiştir | kodunı deñiştir]- Rey Çarlz (Ray Charles) – "I've got a woman" (başlıca gospel "My Jesus is All the World to Me"), 1955; "Hallelujah, I Love Her So", 1955; "Georgia on My Mind" (1960)
- Ceyms Braun (James Brown) - "Say It Loud: I'm Black And I'm Proud" ("Davuşnen ayt: men zencim, em bunen ğururlanam"), "Please, Please, Please" (1957)
- Sem Kuk (Sam Cooke) – "A Change Is Gonna Come"
- Areta Franklin (Aretha Franklin) - I Never Loved A Man
- Otis Redding (Otis Redding)
- Stivi Vander (Stevie Wonder) ("detroyt soulı", deyler)
- Aliya Houton (Aaliyah Haughton) – Age Ain’t Nothing But a Number (1994)
- Solomon Börk (Solomon Burke)
- Gregori Porter (Gregori Porter)
- Sem Smit (Sam Smith)
Soul çalğıcıları
[deñiştir | kodunı deñiştir]- Culian Edvin (Julian Edwin) "Cannonball" Adderley (saksofoncı)
- Çarlz Mingus (Charles Mingus) (kontrabasçı)
Menbalar
[deñiştir | kodunı deñiştir]- Gönülden yırlağanda rap.ru
- Soul. Nasıl o, afroamerikanlarnıñ göñül muzıkası? shkolazhizni.ru