Silâlı quvetler

Silâlı quvetler ya da Ordu — devletniñ ya da devletler gruppasınıñ esas silâlı teşkilâtı. Arbiy havfsızlıq temin etmek, agressiya ve cenk etkende devlet menfaatlarını qorçalamaq, devletler arasındaki barışıqlıqqa telükeniñ ögüne keçmek içün qullanıla.

Silâlı quvetlerge berilgen esas vazifelerni becermekten ğayrı, olar felâketli vaziyetlerde devlette tertipni saqlavğa, tabiiy ve tehnogen afatlarnıñ neticelerini yoq etmege, em de nasıldır başqa devlet ve halqara vazifeleri becere.