Sanayı inqilâbı

QIRIMTATAR VİKİPEDİYASINIÑ MALÜMATI
Jump to navigation Jump to search
Kömürden çalışqan buv maşnası, Britaniyadaki ve bütün dünyadaki sanayı inqilâbınıñ müim bir amili edi.

Sanayı inqilâbı ya da sanayı devrimi - İngilterede XVIII asırnıñ ekinci yarısında başlanılğan ve XIX asır devamında Avropa ülkelerine, AQŞ ve Yaponiğa cayrağan el, esnaf-manufakturlı ve evdekiden büyük maşna fabrikalı-zavod istisalına keçüv. Sanayı inqilâbınıñ müim bir qısmı - naqliyat iş maşnalar ve maqamlıqlarnı istisalğa tatbiq etümesi edi. Olar, insanlarnıñ el emegi yerine kelip, mustaqil maşna qurucılıq saasını yarattılar.

Has-hususiyetler[deñiştir | kodunı deñiştir]

Sanayı inqilâbı, tarihta emiyetli deñişikliginiñ timsali ola. Em belli bir derecede er künlük ayatınıñ er bir ceetine onıñ tesiri bar edi. Hususan, eali kelirleriniñ orta seviyesi, daa misali olmağan daimiy artuvını köstermege başladı. Eki asır içinde 1800 seneden soñ dünya ealisi altı kere artqan devrinde bir can başına orta dünya keliri ondan ziyade kere artqan. Nobel mukâfatınıñ laureatı Robert Lukasnıñ sözlerine köre, “adiy adamlarnıñ yaşayış seviyesi, tarihta ilk sefer turğun köterüvni köstermege başladı... Bu iqtisadiy areketni uzaqtan bile añdırabilgen iç bir şey olmağan edi bundan evel”.