Salvador Dali

Salvador Dali
katalonca Salvador Dalí i Domènech
Doğma adı	ispanca Salvador Domingo Felipe Jacinto Dalí i Domènech
Doğğan künü	1904 mayıs 11(1904-05-11)[…]
Doğğan yeri	Figeres[d], Alt Empordà[d]
Ölgen künü	1989 yanvar 23(1989-01-23)[…] (84 yaşında)
Ölgen yeri	Figeres[d], Alt Empordà[d]
Memleketi	İspaniya
Zenaatı	ressam, eykeltraş, yazıcı, aktör, kino rejissörı, stsenarist, fotograf, kino aktörı, sana ressamı, illüstrator, bezek dizayneri, grafikacı ressam, holographer
Baba	Salvador Dalí i Cusí[d]
Ana	Felipa Domènech i Ferrés[d]
Ömür arqadaşı	Gala Dalí[d]
Balalar	Jose Van Roy Dalí[d]
Mukâfatlar
Avtograf
Saytı	salvador-dali.org​(ing.)
Медиафайлы на Викискладе

Salvador Dali (tolu adı - Salvador Felip Jasint Dali i Domenek, markiz de Pubol, katalonca Salvador Felip Jacint Dalí i Domènech, ispanca Salvador Felipe Jacinto Dalí i Domènech, marqués de Dalí de Púbol, 1904 mayıs 11, Figeras — 1989 yanvar 23, Figeras, İspaniya) — katalon ressam, eykelci, gravüracı, yazıcısıdır, XX asırdaki eñ müim sürrealizmniñ vekillerinden biridir.

Salvador Daliniñ resim yapuv istidadı pek genç yaşta meydanğa çıqtı. Endi dört yaşında olğanda, böyle küçük bir bala içün hucur bir avesnen resim yapmağa tırışa edi. Salvador, ilk resmini altı yaşında olğanda yaptı. Bu resim, ağaç tahtasında yağlı boyanen yaratılğan küçük bir impressionizm manzarası edi. 1920-nci seneler başında Salvador Dali futuristlerniñ eserlerinden ayran qala edi, lâkin ressamlıqta öz üslübini yaratmağa isteginen tolu edi.

1936-1937 ss. Salvador Dali, eñ belli resimlerinden birini («Nargüzniñ metamorfozası»nı) yarattı. Bunen beraber «Nargüzniñ metamorfozası. Paranoya mevzusı» adlı onıñ edebiy eseri neşir etildi. Birazdan evel, 1935 s., «İrratsionalnıñ tamırını qurutuvı» eserinde Dali, paranoya ve tenqit usulı nazariyesini ifadeledi.

1937 s. Uyanuv devriniñ ressamlığınen tanış olmaq maqsadınen Salvador Dali İtaliyağa ketti. Uyanuv devriniñ eserlerinden ayran qalıp, onıñ eserlerinde doğru insan tenessübi ve akademiklikniñ diger hususiyetleri üküm etmege başladıı. Sürrealizmden çetke çıqqanına baqmadan, onıñ resimleri evelki kibi sürrealizm fantaziyasınen toludır.

1980-inci senelerge yaqın Daliniñ sağlığı fenalaşa başladı. Ekimler, Daliniñ Parkinson hastalığı bar dep vesveselene ediler. Bu hastalıq, babası içün öldürici oldı. 1988 s. noyabr ayında yürek kemligi diagnozınen klinikağa yattırılğan edi. 1989 s. yanvarnıñ 23-ünde Salvador Daliniñ yüregi toqtadı. Onıñ vucudını, Dali özü istegen kibi, Figeras şeeriniñ müzeyinde bir afta devamında saqlanıla edi. Biñlerce insan ulu deanen vedalaşmaq içün keldi. Salvador Dali, bu müzeyniñ ortasında defin etildi.