Ramazan

Yarımay — Ramazan başını yad ete

Ramazan (arapça رمضان‎ – [ra.ma.dˤaːn]) — icriy taqvimniñ doquzıncı ayı, İslâm dininde muqaddes ay. Bu ay devamında er bir imanlı musulmanğa orazanı tutmaq kerek. Bu İslâmnıñ beş şartından biri. Ramazan ayı 29 ya da 30 kün devam ete ve musulman Hicriy taqvimine bağlı ola. Oraza şefaqtan soñ başlana ve kuneş qonğan soñ bite, arasında aşamağa ve içmege mümkün degil. Ramazanda yaramay fikirler, tütün içüv ve mahrem yaqınlığı da yasaq ola.

Bu ayda, rivayetlerge köre, Peyğamberi Muhammed aleyhisselâmğa Qur’an-ı Kerimniñ ilk ayetleri nazil etilgen edi.

Oraza — Allāh içün sabır etmesidir

Ramazanda en esas ibadet —oraza tutmaqtır. Tan atqandan kuneş batqance insan aşamamalı, içmemeli, sigara çekmemeli ve nefsni her türlü haram isteklerinden saqlay. Amma oraza — tek aştan ve suvdan vazgeçmesi degil ki,  aqaretli sözlerinden, ğıybeti yalan aytqanından ve yaramay areketlerden de saqlanmaq demektir.

Oraza tutqan insan öz iç dünyasını temizley, sabırlı olmağa, Allahqa yaqınlaşmağa ve merhametni köstermege ogrene.

Qoranta, dostluq ve cemaat ruhı

Ramazan — aile bağlarını ve dostluqnı qaviyleştirmesi içün de buyük fırsattır. Her aqşam iftar vaqtında, orazanı açqanda aileler ve dostlar bir yerge toplanıp, beraber aşaylar. Çoq yerlerde, cemaat iftarları ötkerile, hususan muhtaclar içün. Bu adet — Ramazannıñ birligini ve  yardımlaşuvını pek yahşı kösterir.

Zekât ve fitir sadaqası

Ramazanda muslumanlar zekât (farz sadaqa) ve  fitir aqçalarını (tek Ramazan vaqtında vacip olğan sadaqası) bermege tırışalar. Bu vaqıtta insanlar mallarını başqalarnen böleler, yardımğa muhtac kimselerge onı bereler. Bu, cemiyetnıñ bağlarını quvvetleştire ve insan qalbini yımşata.

Qıymetli geceler

Ramazannıñ soñki on künü içindeki geceler hususiy ehemmiyetke saiptir. Olarnıñ biri — Qadır gecesi — Qur’an-ı Kerimniñ nazil etilgen gecesi olaraq belli, bin aydan da hayırlı sayıla. Bu gecelerde muslumanlar dua eterler, Qur’annı oquylar, tövbe ve tefekkür içindedirler.

Bayram ve Ramazannıñ bitirilmesi

Ramazannıñ soñunda — Oraza Bayramı ya da Ramazan Bayramı kelip çıqadır. Bayram sabası, cemaat bir yerge kelip bayram namazı qıla. Soñra qorantalar, dostlar bir-birini ziyaret ete, ediyelernı bağışlaylar, tatlılarnen sıylaylar. Muhtaclar içün ise fitir sadaqası berilmesi vaciptir, böyleliknen olar da bayram quvançını yaşay bileler.

Şuña daa baqıñız

• Oraza bayramı
• Qurban bayramı
• Arife künü