Qurban Bayram
Qurban Bayram (arapça عيد الأضحى – ʿĪd al-Adhā, farsça عید قربان – Eyd-e Qorbān) — eki musulman bayramından biri (ekinci — Oraza bayramı).
Oraza bayramından 70 kün keçken soñ (İslâm taqvimine köre zilhicce ayınıñ 10-uncı künü), Mekkege acılıqnıñ soñki künü başlap, üç-dört kün devam ete.
Bu künler acılar İbrahim peyğamberi qurbanı hatırasına Mekke yanındaki Mina vadiysinde qurban çala. Amma musulmanlarnıñ episi Mekkege acılıqqa barıp olamağanları sebebinden, şeriatqa köre, o ne yerde bulunsa, o yerde qurban çalmaq aqqı bar.
Şeriatqa köre, qurban çalınğan ayvannıñ körülgen qusurları olmamaq kerek. Qoynıñ yaşı 6 aydan az olmamalı, eçki ve buzav – 2 yaşından az olmamaq kerek.
Qurban eti üçke bölüne: bir qısmı fuqarelerge berile, ekinci qısmından musafirlerge ziyafetler azırlana, üçüncisini musulman özüne qaldırmaq kerek.
Böyle etip, Qurban ketirilgen ayvan tek musulmannıñ ruhiy temizligi degil de, muhtaclarğa aş olaraq hızmet ete.
Qurban bayramı camilerde saba ötkerilgen bayram namazından soñ qayd etilip başlay. Qabristandan qaytıp kelgen soñ, musulmanlar Allağa emanet etmege azır olğannıñ delili olğanını bildire.
Menbalar ve edebiyat
[deñiştir | kodunı deñiştir]- ’Ід аль-Адха // Словник ісламських релігійних термінів арабського походження
- Ю. А. Резван. Ид ал-Адха // Іслам : енциклопедичний словник / відп. ред. С. М. Прозоров. — М. : Наука, ГРВЛ, 1991. — С. 88-89. — ISBN 5-02-016941-2. (рос.)
Bağlantılar
[deñiştir | kodunı deñiştir]- Qurban Bayramı // Ukrain diniy entsiklopediya
- İslamda qurban çaluvı 15 avgustnıñ 2013 s. arhivlengen.
- Qurban Bayramı
- Qurban çaluvınıñ qaideleri