Qaval

QIRIMTATAR VİKİPEDİYASINIÑ MALÜMATI
Qaval

Qaval - sızğırtmaq tarzında üfürip çalınğan ve çeşit ağaçlardan yapılğan alettir. Uzunlığı 250-300 mm olıp, ağaçtan qolnen yonılıp yapıla. Qavalnıñ içi tsilindr şekilinde ola. Üst tarafında altı-yedi teşik ve astında bir teşik ola. Sesler sırası diatoniktir. Sesler kölemi qavalnıñ uzunlığına ve teşiklerniñ sayısına bağlı.

Qaval da, tulup-zurna kibi, çobanlarnıñ çalğı aletidir. Şimdi o, ansambllerde solo çalğan alet olaraq qullanıla.