Qarılğaç yuvası

«Qarılğaç yuvası» — mimarlıq ve tarih abidesi, Gaspra qasabasında Ay-Todor burnunıñ 40 metrlik qayasında buluna.

Qurulış orta asır rıtsar sarayına oşay. Qarılğaç yuvası cenübiy Qırımnıñ timsalidir.

Tarih

XX as. Ay-Todor burnunda bina. S. Prokudin-Gorskiyniñ fotoresimi

1877—1878 ss. rus-türk cenki zamanlarında Qırımğa yaralanğan general keldi. Oña tahta evçikni qurdılar (o zamanları cenk qaramanlarına evlerni bağışlay ediler). Birinci saibi bu yerni «sevgi sarayı» olaraq adlandırdı.

Ekinci saibi ekim A. Tobin oldı. Ölümden soñ onıñ apayı evçikni Moskvadan kelgen bazırgân qadını Rahmaninağa sattı. O, binanı yıqtı, onıñ yerinde de «Qarılğaç yuvası» adınen belli olğan tahta saray peyda oldı.

XIX asırda Qarılğaç yuvası

Qarılğaç yuvasında hatıra tahtası

Zemaneviy körünişni «Qarılğaç yuvası» baron Şteyngel sayesinde aldı.

Birinci Cian cenki başında saraynı Moskvadan kelgen bazırgân satın alıp, içinde restoran açtı. Lâkin o, birazdan öldi, ve restoran qapatıldı.

Zelzele

1927 senesi Qarılğaç yuvası küçlü zelzele neticesinde viranege çevirilgenine az qaldı. «Yuva» dayandı, amma temeli olğan qaya zarar kördi. Yuqarı meydançığından binanıñ ortasına qadar teren çatlaq peyda oldı. Tayanğıç olğan binanıñ bir qısmı deñizge eşilip, közetici meydançıq uçurım üstünde asılıp tura edi. Saraynıñ alı telükeli olaraq tanıp, belli olmağan vaqıtqa qapattılar.

Qarılğaç yuvası panoraması

Qarılğaç yuvasınıñ deñizden körünüşi

Zemaneviy vaqıt

Bügün Qarılğaç yuvası içinde olğan restoran restavratsiyağa qapatılğan. Onıñ etrafında ise, çeşit hatıra şeylerini satın almaq mümkün.

Menbalar

• «Qarılğaç yuvası» resmiy saytı
• crimea.ru
• «Qarılğaç yuvası» sarayı
• «Qarılğaç yuvası» — Qırımnıñ ziyaret varaqası

Edebiyat

• Горный Крым. Атлас туриста / ГНПП «Картографія», Укргеодезкартографія ; ред.: Д. И. Тихомиров, Д. В. Исаев, геоинформ. подгот. Е. А. Стахова. — К. : ДНВП «Картографія», 2010. — 112 с.