Qızıl Qoba

Qızıl Qoba — Anğara köyünden 3,5 kilometr uzaqlığında, Qızıl Qoba ayırığınıñ ortasındaki küçük qapalı derede bir qoba. Adını yanındaki Qızıl Qayadan alğan, Qızıl Qaya ise demir oksidlerinen boyalanğan qızıl, bazı yerlerde pembe kireçtaştan ibaret. Qoba Qırım dağlarınıñ Baş sırasınıñ ğarbiy yamaçındaki kireçtaşlarda suvnen yuvulıp oyulğan. M.E. VII asırdan berli belli.

Qoba 6 qatlıdır. Aşağıda yerastı Qızıl Qoba özeniniñ suvları ve onıñ tarafından şekillengen göl ve sifonlar. Qobada suvlu ve quru galereyalar, 80 metr uzunlığında, 60 metr keñliginde ve 40 metr yüksekliginde zallar bar. Bir çoq çeşit renkli taşlamalar buluna, bu cümleden stalaktitler, stalagmitler, sutunlar ve ilâhre.

Menbaları

Печера Кизил-Коба [Архівовано 24 Листопада 2021 у Wayback Machine.]
Топонімічний словник Криму
[1]^{[недоступне посилання з липня 2019]}

Edebiyat

Горный Крым. Атлас туриста / ГНПП «Картографія», Укргеодезкартографія ; ред.: Д. И. Тихомиров, Д. В. Исаев, геоинформ. подгот. Е. А. Стахова. — К. : ДНВП «Картографія», 2010. — 112 с.