Qırımnıñ çöl tarafı
Qırımnıñ çöl tarafı — Şarqiy Avropada, Qırım yarımadasınıñ şimaliy qısmında üçten eki qısım yerini alğan fizikiy-coğrafiy ülke. Şimalde Qara deñiz yanı alçaqlığı, Karkinit körfezi ve Sıvaş körfezi ile, cenüpte — Qırım dağları ile, ğarpta — Qara deñiz ile, şarqta — Sıvaş körfezi ve Keriç yarımadası ile qomşu.
Geologik qurulış
[deñiştir | kodunı deñiştir]Qırımnıñ çöl tarafı Skit platforması ile bağlı olğan tegiz tüzlüktir. Onıñ üstü deñiz neogen ve qıtaiy dörtlemci qatlamlarnen şekillengen. Qırımnıñ çöl tarafı Şimaliy Qırım alçaqlığı, Merkeziy Qırım tüzlügi ve Tarhan Qut yüksekliginden ibaret.
İqlim
[deñiştir | kodunı deñiştir]Qırımnıñ çöl tarafınıñ iqlimi orta qıtaiydir. Andaki yaz uzun ve sıcaq, qış ise qısqa ve yımşaqtır. Qırımnıñ çöl tarafında dımlılıqnıñ balansı menfiy olğanı içün, qurğaqlıq ve sam yelleri bağ-bağçalarğa zarar ketire bile.