Mennan Camanaqlı

Mennan Camanaqlı
Doğğan künü	1916
Doğğan yeri	Yevpatoria County[d], Tavriya guberniyası, Rusiye imperiyası
Ölgen künü	sentâbr 1942
Ölgen yeri	Aqyar, Qırım Muhtar Şuralar Sotsialist Cumhuriyeti, Rusiye Şuralar Federativ Sotsialist Cumhuriyeti, Şuralar Sotsialist Cumhuriyetleri Birligi
Memleketi	Şuralar Sotsialist Cumhuriyetleri Birligi
Zenaatı	yazıcı

Mennan Camanaqlı (aqiqiy adı Mennan Reşid oğlu Reşidov; 1916 - 1942) - qırımtatar şairi.

Mennan Reşidov 1916 senesi Camanaq köyünde (şimdiki Aqşeyh rayonı) doğdı. 1934 senesi qurucılıq tehnikumına kirdi. Ağası körümli şair ve alim Kerim Camanaqlınıñ yardımınen edebiyat nazariyesini menimsedi. Gazeta ve mecmua saifelerinde onlarnen şiirler bastırdı. 1938 senesiniñ oktâbr ayında arbiy deñiz flotuna hızmetke çağırıldı. Ulu Vatan cenki başlağanınen eline silâ alıp Aqyarnı qorçalamağa başlay. 1942 senesi Moskva radiosından: "Bizim deñiz yalısındaki bastionımız - Aqyarda, qızğın cenk kete. Siyasiy hadimi (politrabotnik) Reşidovnıñ bölügi şeerniñ er bir evini, er bir soqağını büyük çıdamlıqnen qorçalay"... degen sözler eşitile. Tam olmağan malümatlarğa köre, uruşlarda köstergen yararlıqları içün Mennan Camanaqlı 17 kere mukâfatlana. Şair ve ressam Mennan 26 yaşında Aqyar uruşında elâk oldı.