Mamut Dibağ

QIRIMTATAR VİKİPEDİYASINIÑ MALÜMATI
Mamut Dibağ
Doğğan künü 1905
Doğğan yeri
Ölgen künü 1942
Ölgen yeri
Memleketi
Zenaatı yazıcı

Mamut Dibağ (1905 - 1942) - qırımtatar yazıcısıdır.

Mamut Dibağ 1905 senesi Bağçasarayda doğdı. Gazeta ve mecmua muarririyetlerinde çalıştı. Edebiyat alemine 1938 senesi yazğan “Kontsert” serlevalı ikâyesinen çıqtı. Bu ikâye Qırım gazetaları, yazıcılar birligi ve Devlet neşriyatı tarafından ötkerilgen edebiy yarışta qayd etildi ve ekinci mukâfatnı aldı. Bundan soñ, Mamut Dibağ “Kökten zembilnen engenler”, “Ferat”, “Taş dudu”, “Musafirniñ peşinden”, “Balqurtlar” kibi ikâyelerni ve “Gizli nişan” pyesasını yazdı. Mamut Dibağ nefislik ceetinden özüne has usulnen pişkin eserler yazıp başlağan istidatlı yazıcı edi.

Ulu Vatan cenki başlağanınen qoluna silâ alıp, cebege ketti, vatanınıñ azatlığı oğrunda küreşti, 1942 senesi Aqyarda elâk oldı.