Komiks

QIRIMTATAR VİKİPEDİYASINIÑ MALÜMATI
Vikipediya aqqında komiks

Komiks (inglizce comiccomic - "külünçli") - qısqa metinli resimli ikâye. Metinlerniñ çoqusı alda "laf bulut"ı bar, o, qaramannıñ ya da serlevanıñ lafını ya da fikrini bildire. Komiksniñ edebiyat ve tasviriy sanat çizgileri bar. Sade ve meraqlı ikâyeler içün eglendirici bir körgezme kibi qullanılğan komiksler, bir çoq türleri olğan ayrı sanat janrına çevirildi.

İzaat[deñiştir | kodunı deñiştir]

Grafika romanları mahsus tükânda satlıqta

Komiksniñ bir qaç izaatı bar, amma umumen alğanda, bu - nasıldır bir ikâyeni tariflegen resimler toplamıdır. Komiks - körgezmelik ve ikâyeniñ birleşüvidir.


Komikslerniñ türleri ve resim tarzı çeşit-türlü olmaq mümkün. Komiks şeklinde atta edebiyat klassikleriniñ eserleri uyğunlaştırıla. Amma öyle olıp qaldı ki, komikslerniñ eñ populâr janrları - bu maceralar ve mizahtır.

Kölemine köre komiksler qısqa "stripler"den (inglizce Comic strip) büyük grafik romanlarğa ve bir çoq mevsimli seriallarğa qadar ola bile.


Komiks, film, em de mıtlaq multfilmlernen pek bağlıdır.