Halil İnalcık

QIRIMTATAR VİKİPEDİYASINIÑ MALÜMATI
Jump to navigation Jump to search
Halil İnalcık
Doğğan künü:1916 mayıs 26(1916-05-26)
Doğğan yeri:İstanbul, Osmanlı Devleti
Ölgen künü:2016 İyül 25(2016-07-25)[1][2] (100 yaşında)
Ölgen yeri:Ankara, Türkiye
Memleketi:Ottoman flag.svg Osmanlı Devleti
Flag of Turkey.svg Türkiye
Oquğan universitetiAnkara universitetiniñ Til ve tarih-coğrafiya fakulteti[d]
Bilkent universiteti[d]
Zenaatıtarihçı, ilmiy hadim, universitet ocası, yazıcı
Commons-logo.svg Halil İnalcık Wikimedia Commons saytında

Halil İnalcık (1916 s. mayıs 26 - 2016 s. iyül 25) - Türkiyeli qırımtatar tamırlı tarihçı.

Halil İnalcık 1916 senesi İstanbulda doğdı. Babası Seyit Osman (Sitosman) Nuri 1905 senesi Qırımdaki Bağçasaray şeerinden İstanbulğa köçken edi. Dedesi Bağçasarayda Hansaray camisiniñ müezzini edi. 8 yaşında ekende ailesinen beraber Ankarağa köçti. Bu yerde Gazi ilk mektebini tamamladı. Daa soñra Sivas ve Balıkesir muallim mekteplerinde oqudı, 1935 senesi muallim olıp diplomını aldı. Ankarada Til, tarih ve coğrafiya fakultetine kirdi. Bu yerde Şemsettin Günaltay, Fuat Köprülü, Yusuf Hikmet Bayur kibi müim şahsiyetlerden dersler aldı. 1940 senesi diplomını alğan soñ aynı fakultette oqumağa devam etti. 1942 senesi “Tanzimat ve Bulğar meselesi” serlevalı doktorlıq dissertatsiyasını qorçaladı. 1972 senesine qadar bu fakultette Osmanlı ve Avropa tarihından dersler berdi. Aynı sene AQŞda Çikago (Chicago) universiteti Tarih bölügine Osmanlı tarihı professorı olması içün çağırıldı. 1986 senesine qadar bu universitette dersler berdi. Prof. Dr. Halil İnalcık, şu vaqıtta Bilkent universitetinde ders bermege devam ete. İnalcık 1986-da Amerika Akademiyasına, 1993-te Britan Akademiyasına aza oldı. Daa pek çoq namlı cian oquv yurtlarında fahriy azalıqları bar. Bundan başqa, müim yerlerden pek çoq taqdir ve mukâfat aldı. Bularnıñ eñ soñkisi Türkiye Büyük Millet Meclisiniñ bergen “Fahriy Mukâfat” (türkçe Onur Ödülü) oldı.

Halil İnalcık, tarihçılıq körüşini fransız Annales mektebine dayandıra. Sayısı yüzni keçken kitap ve maqaleleri bardır. Dört yardımcısınen beraber yazğan “Osmanlı devletiniñ iqtisadiy ve içtimaiy tarihı” (“An Economic and Social History of Ottoman Empire - Osmanlı Devletinin İktisadi ve Sosyal Tarihi”) kitabı bütün cian universitelerinde el kitabı olğandır. İnalcık, bu kitabını Osmanlı tarihınıñ medeniy yaqın dünyağa añlatqanınen maqtanadır.

Kitaplarından bazıları[deñiştir | kodunı deñiştir]

  • The Ottoman Empire, The Classical Age, 1300-1600, London, 1973
  • Studies in Ottoman social and economic history, London, 1985
  • The Middle East and the Balkans under the Ottoman Empire, Bloomington, 1993
  • Süleyman the second and his time, Istanbul, 1993
  • An Economic and Social History of the Ottoman Empire, Cambridge, 1994
  • From empire to republic: essays on Ottoman and Turkish social history, Istanbul, 1995
  • Sources and studies on the Ottoman Black Sea, Cambridge, 1995
  • History of Humanity (editor, Peter Burke ile beraber), 1999
  • Ottoman Civilization (Gunsel Renda ile beraber), Ankara, 2003
  • Essays in Ottoman History , Eren Yayıncılık
  • Makaleler 1: Doğu Batı, Doğu Batı Yayınları, 2005
  • Fatih devri üzerinde tetkikler ve vesikalar, Ankara, 1954
  • Osmanlı'da Devlet, Hukuk, Adalet, Eren Yayıncılık, 2000
  • Osmanlı İmparatorluğu'nun Ekonomik ve Sosyal Tarihi Cilt 1/1300-1600, Eren Yayıncılık, Prof. Dr. Donald Quataert ile, 2001
  • Osmanlı İmparatorluğu'nun Ekonomik ve Sosyal Tarihi Cilt 2 / 1600-1914, Eren Yayıncılık, 2004
  • Osmanlı İmparatorluğu - Toplum ve Ekonomi, Eren Yayıncılık
  • Osmanlı İmparatorluğu Klasik Çağ (1300-1600), Yapı Kredi Yayınları, 2003
  • Tanzimat ve Bulgar Meselesi, Eren Yayıncılık
  • ABD Tarihi, Allan Nevins/ Henry Steele Commager (tercüme) Doğu Batı Yayınları, 2005
  • Şair ve Patron, Doğu Batı Yayınları, 2003
  • Balkanlar, (Prof. Dr. Erol Manisalı ile)
  • http://t24.com.tr/haber/tarihcilerin-kutbu-prof-halil-inalcik-hayatini-kaybetti,351852
  • http://www.dailysabah.com/history/2016/07/25/leading-turkish-historian-halil-inalcik-dies-at-age-100