Hıdırlez

QIRIMTATAR VİKİPEDİYASINIÑ MALÜMATI
Jump to navigation Jump to search

Hıdırlez - qırımtatarlarnıñ eñ sevimli milliy bayramlarından biri. Bereket ve amanlıq bayramıdır. Adeti̇nce, mayısnıñ bi̇ri̇nci̇ aftası - i̇lk boğday başağı peyda olğan soñ, bayram eti̇le.

Hıdırlez bayramınıñ adı Hıdır ve İlyas evliyalarnıñ adlarından kelip çıqa. Hıdır ve İlyas talmay-toqtamay bütün dünyanı aylanıp, insanlarğa yardım eteler, afatlardan, bahtsızlıqlardan qorçalaylar. Hıdır oñ taraftan kele, İlyas ise sol taraftan kele. Olar körüşken yerde Hıdırlez bayramı keçirile.

Qırımda, ta eski devirlerden başlap, Hıdırlez bayramı mayıs ayınıñ 6-ncı künü qutlana.

Bayram arfesi̇nde ev bi̇keleri̇ evlerni̇ temi̇zleyler. Bayram arefesinde er bir evde aqşamdan qalaqay, kömeç, köbeteler pişirile. Ertesi künü sabadan balalar, qalaqay kömeçlerni alıp, qartlarnen beraber töpelikke çıqalar. Hıdırlez şerefine dualar oqulğan soñ, qalaqaylarnı, kömeçlerni bayırdan aşağı tığırtalar. Eger kömeç, qalaqay üst tarafınen töpege tüşse, demek yıl oğurlı ve bereketli olacaq. Bundan soñ balalar ve büyükler alanlıq yerde oturıp ketirgen yemeklerni aşaylar. Soñra Hıdırlez bayramınıñ şeñlenüv qısmı başlana. Balalar oynay, yırlay, küreşeler, salıncaqlarda sallanalar, çeşit bala oyunlarını oynap zevqlanalar. Bayramnıñ soñunda horan - mi̇lli̇y oyunnen yekünlene.

Hıdırlez bayramında azbarda ve boş yerlerde meyva tereklerini tikmek ve çiçek saçmaq evelden adet oğlan.

Menbalar[deñiştir | kodunı deñiştir]

QIRIM.net

Crimeantatars.club