Jump to content

Behice Boran

QIRIMTATAR VİKİPEDİYASINIÑ MALÜMATI
Behice Boran
türkçe Behice Boran
Doğğan künü 1910 mayıs 1(1910-05-01)[1][2]
Doğğan yeri
Ölgen künü 1987 oktâbr 10(1987-10-10)[1] (77 yaşında)
Ölgen yeri
Memleketi
Zenaatı siyasetçi, içtimaiyatçı (sotsiolog)

Behice Boran (1910-1987) - Türkiyede yaşağan belli qırımtatar asıllı ilk qadın siyasiy fırqa reisi.

Behice Boran, 1910 senesi mayıs 1-de Bursada dünyağa kele. Qırımdan köçken ailesiniñ üyken qızı edi. Litseyni bitirgen soñ tasilini İstanbulda ala. Stipendiya qazanıp, AQŞnıñ Miçigan Universitetinde içtimaiyat (sotsiologiya) tasili ala. 1939-da Türkiyege qaytqan Behice Boran orta mektepte ingliz tili dersleri bere. Soñradan Ankara Universiteti Til, tarih ve coğrafiya fakultetine kire. Mında dotsent vazifesinde çalışa, 1948-de siyasiy baqışları sebebinden universitetten boşatıla. 1946-da naşir Nevzat Hatkonen evlene. 1950-de Türk barışseverler cemiyetiniñ esasçıları arasında yer alğan Behice Boran mında esasçı ve reis vazifesine tayin etile. Koreya cenkine asker yollağan Adnan Menderes ükümetini tenqit etken bir telegramma yibergeni içün qabaatlanıp, 15 aylıq apis cezası ala. 1962-de, 1961-de qurulğan Türkiye işçi fırqasınıñ (Türkiye İşçi Partisi, TİP) azası ola, 1965-de milletvekili olıp saylâna. 1970-de TİPniñ IV Qurultayında umumiy reis ola. 1971-de 15 yıl cezalana ve 1974 af neticesinde apisten çıqa. 1975 senesi mayıs 1-de TİPni ğayrıdan qura. 1980 senesi sentâbr 12-den soñ Türkiyeden keterek, 1987 senesi oktâbr 10-da Brükselde vefat ete.

Kitapları[deñiştir | kodunı deñiştir]

  • İş Bölümü ve Kadının Sosyal Mevkii,
  • Toplumsal Yapı Araştırmaları,
  • Türkiye ve Sosyalizm Sorunları,
  • İki Açıdan Türkiye İşçi Partisi Davası,
  • Niye Birleşiyoruz, Ne İstiyoruz, Niye Dönüyoruz

Tercimeleri[deñiştir | kodunı deñiştir]

  • Platon (1944) Devlet Adamı,
  • Granville-Barker, Harley (1946), Voysey Mirası,
  • Steinbeck, John (1964) Sardalya Sokağı,
  • Fast, Howard Melvin (1966) Hürriyet yolu

Tış bağlantılar[deñiştir | kodunı deñiştir]

  1. 1,0 1,1 Bibliothèque nationale de France идентификатор BNF (фр.): açıq malümat platforması — 2011.
  2. Behice Boran // https://www.fembio.org/biographie.php/frau/frauendatenbank?fem_id=3792 (нем.)