Büyük sed rifi

QIRIMTATAR VİKİPEDİYASINIÑ MALÜMATI

Büyük sed rifi - Mercan deñizinde, Avstraliyanıñ şarq yalı boyunda, Kvinslend yalısı yanında bulunğan dünyanıñ eñ büyük mercan bir sistemasıdır. Gledstoun ve Bundaberg şeerleri arasındaki Cedi tropiginden Avstraliyanı Yañı Gvineyadan ayırğan Torres boğazına qadar cenüpten şimalge 2300 km-ge uzana. Umumiy meydanlığı 348.698 km-dir.152 km - cenübiy qısımıda, şimalde 2 km-ge yaqın kenişligindedir. Cenüpte, yalıdan 300 km ve daa şimalde, Melvill burnu yanında, qıtağa 32 km-ge qadar bir mesafede yaqınlaşa. Milliardlarca mercan polipinden ibaret. Canlı vucutlar tarafından teşkil etilgen dünyanıñ eñ büyük yapısı. Riflerniñ çoqusı suv astında ve tartıluvda meydanğa kele.

Deñizniñ abraziv-toplamcı faaliyeti ile bazı rifler mercan adalarına çevirilgen. Deñiz milliy parkı (5 million gektarnıñ üzerinde, 1979 senesi qurulğan) UNESCO Dünya mirası cedvelindedir. Regionda emiyetli bir iqtisadiy faaliyet - yılda 3 milliardğa yaqın dollar bergen turizmdir.