Büyük depressiya

QIRIMTATAR VİKİPEDİYASINIÑ MALÜMATI
Dorotea Lencniñ çekken İcretçi ana adlı fotoresimi, Kaliforniyada bıraqılğan çay toplayıcıları merkezde - Florens Ovens Tomson, 32, Nipomodan yedi bala anası, 1936 saban ayı. Bu fotoresim Büyük Buhran timsalleriniñ biridir.

Büyük depressiya — 1929 senesiniñ küzünde başlanğan ve 1930 seneleriniñ soñlarınace sürgen küçlü bir umumdünya iqtisadiy buhrandır. Büyük depressiya, çeşit devletlerde çeşit hronologik sıñırlarğa saip edi, faqat eñ çoq Ğarbiy Avropa ve Amerika Qoşma Ştatlarına tesir etti.

Aslında, Büyük depressiya, umumcian bir iqtisadiy buhranı olsa da, ıstıla adetince Amerika Qoşma Ştatlarındaki vaziyet içün qullanıla. Büyük depressiya, XX asırnıñ eñ uzun, eñ teren ve eñ global iqtisadiy buhranı oldı ve adetince cian iqtisadiy inkişafınıñ seviyesi ne qadar alçaqça tüşe bileceginiñ bir misali olaraq qullanıla.


Dow Jones indeksi, 1928–1930