Bükreş barışıq añlaşması

QIRIMTATAR VİKİPEDİYASINIÑ MALÜMATI
Jump to navigation Jump to search

Bükreş barışıq añlaşması 1812 senesi sentâbr 28-de Osmanlı Devletinen Rusiye arasında şimdiki Romaniyanıñ Bükreş şeerinde yasalğan edi.

Sultan II Mahmud tahtqa çıqqanda Osmanlı Rusiyenen sançışa edi. İngilterenen 1809-da yasalğan añlaşma neticesinde Rusiyenen cenkke devam qararı berildi. Rusiyeniñ Frenkistannen meseleleri ve Osmanlı askeriniñ yıllar sürgen cenklerden yorğun tüşmesinden mütevellit eki yaq da 1812 senesinde barışıq añlaşması imzalamağa razı oldı. Bu añlaşmanıñ bazı şartları şulardır:

  • Rusiye, Eflâk ve Boğdandan qaytacaq, Baserabiya regionı Rusiyege berilecek
  • Osmanlı, Eflâk ve Boğdandan eki sene bergi almacaq
  • Sırblar dahiliy işlerinde azat olacaq
  • Tuna özeninde em Rus em de Osmanlı gemileri serbest dolaşalacaq. Prut ve Tuna özenleri eki memleket arasında sıñır olacaq
  • Anapa qalesinen beraber, şimalde Quban özeni ağzından cenüpte Bzıb özeninece Qara deñiz yalısı Osmanlı Devletine, Bzıb özeninden cenüpteki Rion özeninece Qara deñiz yalıları Rusiyege taşlandı.

Añlaşma Rus komandanı Mihail Kutuzov tarafından tasdıq etildi.